AYUB 8:21 - KITAB NU TUMPU ALLA LELE MA'IMAI'

²¹ Nganga' nu beleyum nubaumo da kumojo, biwi nu beleyum lewa'mo molo'ais kalana lame'mo.

AYUB 8:21 ပူးပေါင်းရင်းမြစ်များ

KAJADIAN 21:6

I Sara notataemo, “Tumpu Allah nompolame'mo kinyonyoangku sahingga aku kinumojomo. Batu-batu mian anu mohongo han aiya tantu kumojomo kalana lame'mo hingga-hinggat tiba aku.”

NEHEMIA 12:43

Sinaa aitu manjoo' hondo na koloban anu sinombahkon hi Tumpu. Mian da'isan binalame-lame'mo kalana Tumpu Allah nompobilahimo kantumuu'an nu aha. To bou-boune ka' suele to ana-anak hingga-hinggatmo nolameanmo, ka' elok nu aha, ka' mule' taligala nu aha mau majo'onmo daagi' kahongoan.

AYUB 35:10

Panyo misa' toka hi Tumpu Allah, Anu nombau ia ka' anu timbali otaha'imani mombee'i apa-apaa de aha talalomo hondo susa',

AYUB 5:22

De kasansala'an ka' tempo' nu kasusa'an i anu o kaan montokai mae ola nusabaanakon nu beleyum ka' kumojo. Beleyum madi' mabuhuk ka' madi' bata-bata, mongahopi binatang anu mahangas hondo.

MAZMUR 100:1

Mazmur de mongkolobanakonmo bau pontalima kaseh. Taligalai na Tumpu, o belemiu songko-songko na dunia!

MAZMUR 126:1

Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 126:2

Kita saja'mo kinumojo ka' nanyanyi i lame'mo, sahingga iwi-iwi' na bansa sangga'at notataemo, “Tumpu nombaumo hahan anu daka' hondo hi aha!”

MAZMUR 126:6

Mian anu mamba motugan bine' i ale'nyo ka' nonjujuhakonmo lolu'nyo. Ia minsusule' mae lame'mo ka' manyanyimo momboamo mae timpasnyo nu pae anu pinadakmo.

MAZMUR 32:11

O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 98:4

Lewa' otaligalai na Tumpu, o belemiu songko-songko na dunia! O puji' na Tumpu nu nyanyian ka' lewa' montaligala lame-lame'.

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!