AYUB 7:15 - KITAB NU TUMPU ALLA LELE MA'IMAI'

¹⁵ Sahingga gagalanku otekokmo mae na aku lantas silakamo apaa na gunanyo aku tumuu' padahan ola saja' mongoa'i sansala i uno nu kantumuu'an aiya.

AYUB 7:15 ပူးပေါင်းရင်းမြစ်များ

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

AYUB 3:21

Hagum ka' halata', hagum na anu nuka'ima'i nu aha, montanda'i kasilakan panyo madi' toho' toka mae.

AYUB 3:22

Kabilahian o'oa'ije de aha silakamo ka' olamunmo.

AYUB 7:14

Panyo ginala-galamo nu Belento nu ipion na aku; belento nompo'ipimo mae anu ma'idek ka' anu lewa' saja' o'inau' padahan anu madi' ko kaliangannyo.

AYUB 7:16

Aku nalawemo ka' na'osamo na tinumuu'; aku mongkahanda'imo silaka! Pojohokmo mae na aku, kalana kantumuu'anku madi'mo ko kaliangannyo.

AYUB 9:21

Aku madi' sala' panyo madi' ku pajuli. Aku na'osamo na tinumuu'. Hi belengku madi'mo ko anu penting, anu kosala'nyo ka' anu madi' kosala'nyo pokakanamo na uki'nyo: Nupatei nu Tumpu ohu-ohua' aijo'.

ANU MOMPOLELE POTATAE NU TUMPU 2:17

Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

YEREMIA 8:3

Saba' aha to mia-mian anu daagi' tumuu' na bansa anu saja' balabuat ma'idek aiya anu gina'a-ga'at-Kumo namba iyaya mae lebemo mongka'ima'i silaka ka' madi'mo mongka'ima'i tumuu'. Aku, Tumpu Anu Mahakuasa hondo notataemo.”

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

ANU PINOTO'I HI YOHANES 9:6

Olima' na bitu'on na kopinnyo mian mongkahanda'imo da sahanyo matemo, panyo aha madi' mate; aha mongka'oho'mo mate, panyo kapatean majo'on hi aha.