AYUB 6:4 - KITAB NU TUMPU ALLA LELE MA'IMAI'

⁴ Pana' anu pinana'akon mae nu Anu Daka' hondo na kuasanyo nolampasmo butongku; bisa'nyo nonsongkohimo butongku. Tumpu Allah talalo ahi' okabuhuk, ka' nontumbuhimo mae aku susumo gombuan nu mian anu mongewamo mae.

AYUB 6:4 ပူးပေါင်းရင်းမြစ်များ

AYUB 16:9

Tambuha' nu Tumpu Allah na nombea-beakmo butongku aiya; kina'idekannyomo na montoa mae aku.

AYUB 19:12

Suludadu-Nyo nontumbuhimo mae madi'mo pinoko tewa'; kajalananku ingompok-Nyomo, ka' kemahku tiniku-Nyomo.

AYUB 20:16

Anu ma'idek na kinyonyoanyo monginumo lasung sahingga monsaduakonmo da mohumpak balaa', ia silakamo nu aijo' susumo anu nu bahe'mo nu ulo anu ko bisa'nyo.

AYUB 21:20

Bakas da mian anu baladosa' montanggungmo posi dosa'nyo, bakas da nu'oa'imo na tambuha' nu Tumpu Allah Anu Daka' hondo na kuasanyo.

AYUB 30:15

Anu talalo ahi' okabuhuk na nontuda'i mae butongku; sumomo ahi' mombun na nompuhakon angga'nyo nu butongku tinilahabakonnyomo; susumo kundom notulu, i madi'anmo kino kasananganku.

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

AYUB 34:6

Aku osanggohi baleko', kalana nontaloakonmo mae aku, aku madi' baladosa'. Uuka aiya tinadokmo hondo na aku binelaon, maumo aku madi' ko kasala'an.’

AYUB 7:20

O belento anu Monjagai mae aku, te lugi'mo o na Belento kalana dosa'ku? Kadaka' obaumo na aku nu Belento pompana'akonan pana' nu Belento? Te aku talalomo nompiboati butong nu Belento?

AYUB 9:17

Pinohintutunyomo na aku i uno nu antong anu makansang hondo, ka' nompaka tuangi kasansala'anku maumo madi' ko sababnyo.

MAZMUR 143:7

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

MAZMUR 18:14

Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 21:12

De aha ko tanga'an kahanda' mongewa i tomundo' maumo pa' mosia na akan nu aha madi' nupoko ala nu aha.

MAZMUR 38:2

Tumpu boli mae mohukum aku kalana Belento notambuha'mo, boli monsakisa mae aku kalana Belento pinusamo.

MAZMUR 38:3

Pana' nu Belento nolampasmo nombelai mae butongku, lima nu Belento ku oa'i naboatmo hondo na nontanomakon mae aku.

MAZMUR 45:5

Lambanimo ka' babaani da ohumpak na kamajuan montinjohakon kahondoan tiba ka adinan anu pantas salaku manusia; tiba kahosonan nu belento atina' po agomo da untung na mahampate!

MAZMUR 7:13

De maluanyo kalakuan nu aha madi' mongabali' saba' Ia nompotoukamo toongon anu bau pompatei. Ia nomboitmo bajak-Nyo ka' kahanda'mo ahi' mompeletakon pana'-Nyo lantas nompeletakonmo hihis-Nyo iwi-iwi' anu ko apunyo.

AMSAL 14:10

Lame' kabai susa' kiijo' una-una' i uno nu kinyonyoanyo; panyo mian sangga'at madi' moko ala mongoa'i.

AMSAL 18:14

Mongindi da tumuu', mian moko ala montanggung kasansala'an; imadi'mo moko ala mongindi apa-apaa, madi'mo mule' ko apa-apaa anu otaha'imani.

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

MOHAANGI 2:4

Susumo sampobali' Ia nompotajumo pompeletnyo ka' nompopatumo mae hihisnyo hi kita Iwi-iwi' na mian anu nomposanangmo kinyonyoanto ningkotmo na pinatean-Nyo Sinumbuhakon-Nyomo na kapusan-Nyo susumo apu nokiijo' i uno nu kota' Yerusalem aiya.

MOHAANGI 3:3

Pino'uli-ulit-Nyo na aku binobotan-Nyo, sinansinaa madi' kino kalibosan-Nyo.

MARKUS 15:34

Ka' i jam totolu'mo mamalom, i Yesus noloboo'mo hoso-hoson nu potatae, “Eloi, Eloi, lama sabakhtani?” anu alati'nyo, “O Tumpungku, Tumpungku, kadaka' Belento mompala'imo aku?”

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

PO'ULE' INGULIT 32:42

Pana'-Ku iwi-iwi' baso'onmo nu baso' nu aha; iwi-iwi' na anu mongewa Aku, Ku pateimo nu bajak-Ku. Madi' Ku pojohok mau mule' pa' ihe na anu mongewa mae Aku; mian anu tinalungku' ka' mian anu binelaonmo suele tionyo ahi' mate.

I RUT 1:20

“Bolimo olaga na aku i Na'omi,” na koonyo i Na'omi, “Lagamo na aku i Mara, kalana Tumpu Allah Anu Daka' na kuasanyo nompojohokmo aku da saja' nongoa'i kasansala'an.