AYUB 6:14 - KITAB NU TUMPU ALLA LELE MA'IMAI'

¹⁴ I uno nu mongoa'i sansala susumo aiya ku taha'imani da toka mae na sangalu anu mongkanonongi. Pa' aku daagi' sabole-bole tulu-tulutan kabai madi'mo mohongo-hongo Anu Daka' na kuasanyo.

AYUB 6:14 ပူးပေါင်းရင်းမြစ်များ

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

AYUB 15:4

De bisuannyo potatae nu beleyum atina otuluti, madi'mo ko anu mabuhuk kabai balado'a hi Tumpu Allah.

AYUB 16:5

Kinyonyoa nu belemiu ku pohosonmo nu ngangahan na pokinde'; potataengku aiya bau pohase'.

AYUB 19:21

O belemiu to sanga-sangalungku, kalibosiakon mae na aku, kalana lima nu Tumpu Allah nondokemo aku.

AMSAL 17:17

Samian na bela' saja' montuluti sangalunyo; panyo samian na utus bubu' montanggung kasusa'an.

AMSAL 25:19

Mompalesaya mian anu uesan i tempo' nu kasusa'an sumomo monyaing nu bese' anu ginanggohanmo ka' lumajang nu tengke anu pinengko'mo.

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

LUKAS 23:40

Panyo mian ma'idek samian mule' nontewa' sangalunyo aijo', tukoonyo, “Te beleyum madi' nabuhuk hi Tumpu? Beleyum hingga-hinggat o hukum mate sumo Ia.

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

2 KORINTUS 11:29

De ko anu susa', aku suele mongoa'i susa'. De ko anu mombau dosa'; kinyonyoangku suele ma'idekanmo ka' tongkolibosonmo.

GALATIA 6:2

Tionyo ahi' komiu mompaha tulu-tulungi kasusa'an nu mian, da tiba jalan anu sumo aijo' komiu montulutimo palentah i Kristus.

IBRANI 13:3

O inau' na to mia-mian i uno nu talungku', au'aitu komiu suele kiijo' i uno nu talungku' tiba aha. Ka' to mia-mian anu lewa' okabisa'i, tionyo ahi' o inau' miu na aha au'aitu komiu suele binaumo sumo aijo'.