AYUB 6:10 - KITAB NU TUMPU ALLA LELE MA'IMAI'

¹⁰ Hi belengku han anu susumo aijo' timbalimo salaku bau pomposanang kinyonyoa; ka' mule' aku ola mompaka pinsesengko' maumo aku i uno nu kasansala'an. Sinin na palentah nu Tumpu Allah Anu Talalo hondo susi', tinulutankumo totu-totu'u ka' saja'mo binaungku.

AYUB 6:10 ပူးပေါင်းရင်းမြစ်များ

AYUB 11:4

De beleyum na mompotutugakon potatae nu beleyum atina' madi' sala'; de beleyum na mongoa'i beleyum belesi' hi ahop nu Tumpu Allah.

AYUB 15:11

Kadaka' Tumpu Allah mohase' madi' nuka'oho' nu beleyum? Kalana sanggonyo sahingga kami motatae sabaan hondo ka' madi' ko pesa-pesa.

AYUB 21:33

Momada-madala na mian anu i lumajang nontuntuni ia i lembanmo aijo'; ka' mule' tano' nomalasanmo na nontabuhi ia.

AYUB 22:22

Talimamo apaa na anu pinokinde'akonmo nu Tumpu hi beleyum; boli okolilimi na aijo' iwi-iwi' i uno nu kinyonyoa nu beleyum.

AYUB 23:11

Aku tulu-tulutanmo hi Ia ka' mohongo-hongomo; madi'mo toho' aku mosele mompala'i jalan anu pinotiju'Nyomo.

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

AYUB 3:22

Kabilahian o'oa'ije de aha silakamo ka' olamunmo.

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 119:50

Aiyamo na mohase' aku i uno nu kasala'anku, kalana anu jinanji'mo nu Belento aijo' mombee'i aku kantumuu'an.

MAZMUR 37:30

Mian anu ma'ima na kinyonyoanyo motatae na pande ahi' saja' ahi' hodi' na ia motatae.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

HOSEA 11:9

Maumo ahi' Aku motambuha' panyo beleyum madi' Ku hukum, beleyum madi'mo daagi Ku hansuni. Saba' Aku Tumpu Allah misa' manusia. Aku Anu Susi' saja' monsangalui beleyum ka' madi'mo daagi montambuha'i beleyum.”

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

HABAKUK 3:3

Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.

ANU PINOTO'I HI YOHANES 4:8

Opa-opat na malaikat aijo' toto sa'angu' ko polipiknyo anom, ka' i titikubnyo ka' i sasu unonyo kaho matanyo. Sinaa ka' pihi malaikat haha aijo' madi' momohokot na manyanyi, “Susi', susi' na Tumpu Anu Matangkas na kuasanyo; anu daagi', ka' anu daagi'mo, ka' anu saja' daagi' sidu-sidutu'.”

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.