AYUB 5:9 - KITAB NU TUMPU ALLA LELE MA'IMAI'

⁹ Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

AYUB 5:9 ပူးပေါင်းရင်းမြစ်များ

AYUB 10:16

De ku humpak na anu ku usahakon maumo madi' sangkuka na konjoo'nyo, Belento sumomo ahi' singa na mololoi' mae aku. Ka' po'ule' mule' nu potoa mae na kakuasa'an nu belento, ola da mompopobuhuk aku.

AYUB 13:1

iwi-iwi' aijo' toho'mo tinoangku ka' pinosi hongongkumo, ka' totu-totu'u ku sumbu' hondo.

AYUB 37:14

Soba pomohokot pe'e, o Ayub, ka' potombihing mae; sabole-bole o'inau' na hahan anu okabangangi anu binaumo nu Tumpu Allah.

AYUB 37:16

Pa' nusumbu' nu beleyum mosia na kundom haha aita' lumahap aijo'mo na kapandean nu Tumpu Allah anu talalo hondo okabangangi?

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

AYUB 42:3

Belento nompokilawamo hi belengku, kadaka' aku baanimo na mombata-batai kapandean nu Belento bapikin padahan madi' ko anu ku pisumbu-sumbu'. Aku ola nombisalakon hahan anu madi' ku sumbu' aijo'mo hahan anu talalo hondo ku kabangangi aiya.

AYUB 9:10

Madi' opoko ala osumbu'to na kalaja-Nyo iwi-iwi', madi' opoko ala olekengto na anu okabangangi bibinau-Nyomo.

MAZMUR 139:18

De ku bilang, lebe manjoo' molingkudui bone'; de aku mobulamo, daagi' sabole-boleh ahi' ku potutugakon na Belento.

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

ANU MOMPOLELE POTATAE NU TUMPU 3:11

Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?