AYUB 5:12 - KITAB NU TUMPU ALLA LELE MA'IMAI'

^12-13 Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa. Sinumbu'mo ka' i humpaknyomo na mian anu pande na monggoliliakon potataenyo, sahingga iwi-iwi na tanga'an nu aha madi' nongkaliangan, ka' aha ingakalanmo nu kapandean nu aha.

AYUB 5:12 ပူးပေါင်းရင်းမြစ်များ

KAJADIAN 31:22

Tolun sinaamo na aha namba pinoto'ije hi Laban, na i Yakub nalaimo.

2 SAMUEL 11:9

Panyo i Uria madi'mo ninsusule' ola ahi' ia ihoyotmo i ahop nu sabatan daka' nu laigan i tomundo' tiba to mia-mian anu monjagai i tomundo'.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 TOMU-TOMUNDO' 6:9

Panyo i Elisa nompolelemo hi tomundo' Israel salaku nompokinde'i ia da boli mamba i tampat aijo' kalana mian nu Siria haha aijo' biasa montulu jalan i kiijo'.

NEHEMIA 4:15

Aha to sampo-sampobali' mami nohongomo mae taalu' tanga'an nu aha ihongomo mami. Sahingga tinolosukapmo na pikilan nu aha tukoonyo nu aha tanga'an nu aha aijo', tinewa'mo nu Tumpu Allah. Lapas aijo' kami po'ule'mo nokalaja nombau pagan mesen aijo'.

NEHEMIA 4:9

Kalana aijo' kami binalado'amo hi Tumpu Allah mami ka' nonjagaimo kota' aijo' mau sinaa mau malom.

AYUB 15:5

Potatae nu beleyum atina' timbalimo sa'angu' na bukuti' saba' beleyum memang ahi' sala', panyo kalakuan nu beleyum anu ma'idek atina' nu kulubi nu potatae nu beleyum anu toto ima-ima'.

MAZMUR 21:11

Lee' mae nu aha madi'mo ko anu tontuha' nupateimo i tomundo' na aha iwi-iwi'.

MAZMUR 37:17

Kalana kuasa nu mian anu ma'idek na palabuatannyo nu pato'imo nu Tumpu, panyo anu ma'ima' na kinyonyoanyo na Nu jagai ahi'.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

AMSAL 22:12

Momponyata kabaleko'an nu mian anu geguan, nu halagai nu Tumpu da ilimu' anu totu'u tataap ma'ima'.

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 49:7

Sumo uuka na koo-Nyo nu Tumpu Anu Mahakuasa na aha Edom, “Te aha mian nu Edom madi'mo daagi' noko ala pinande na bapikin? Te aha to mia-mian anu lewa' mompokinde'i madi'mo nompokinde'i aha? Pa' iningkotmo na kapandean nu aha!

YEREMIA 8:8

Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

OBAJA 1:8

De tokamo isinaanyo pohukuman-Kumo Edom aha to mia-mian anu pande Ku paha pateimo. Ka' iwi-iwi' na kapandean nu aha bapikin mingkotmo madi'mo ko anu otoa.

SISIKON NU TO RASUL-RASUL 12:11

Ilapas aitu, atina'je ka' i Petrus tinolo sukap i apaa na anu jinadimo hi ia, lantas ia notatae, “Uuka aiya sinumbu'kumo taalu' i Tumpu totu-totu'u nonsaimo mae malaikat-Nyo da molapasakon aku i kuasa i Herodes ka' lengkat i sangga-sangga'atan anu nubau nu bansa Yahudi hi belengku.”

1 SAMUEL 23:13

Lantas i Daud tiba suludadunyo kila-kila 600 na mian, lia-lia' nompala'imo Kehila ka' nambamo lengkat i tampat sa'angu' mamba i tampat sangga'at. Salatan i hongomo i Saul na i Daud nambamo nompela'imo Kehila, ia madi'mo nonsidahakon namba nontumbuhi.