AYUB 5:11 - KITAB NU TUMPU ALLA LELE MA'IMAI'

¹¹ Iamo na Tumpu Allah anu mohangkat mian anu madi' talakana', ka' mombee'i kabilahian hi mian anu susa'.

AYUB 5:11 ပူးပေါင်းရင်းမြစ်များ

AYUB 22:29

Mian anu saja' mohangka-hakgat butongnyo nutauakon nu Tumpu, panyo anu madi' lewa' mohangka-hangkat butongnyo nu posalamat nu Tumpu.

AYUB 36:7

To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

AYUB 8:7

Kakaya'an nu beleyum anu iningkotmo aijo' madi' ko sanggonyo de opokakanakon tiba apaa na anu nu humpakje mule'.

MAZMUR 107:41

Panyo mian anu kasissi pinobebas-Nyomo da aha madi'mo mongoa'i kasusa'an, auan nu aha nompaka panjoo'mo sumomo gombuan nu domba.

MAZMUR 113:7

Mian anu kasiasi aijo' i abu' i hangkat-Nyomo, ka' suele mian anu loloison anu aijo' i tano'.

MAZMUR 91:14

Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

PO'ULE' INGULIT 33:27

Tumpu Allah saja' monjagai belemiu, botokonnyo sampe toka sidu-sidutu' monsakan belemiu. Ia na molaa' sampobali' nu belemiu anu atina' i ahop nu belemiu ka' mompokau belemiu mompatei aha.

YAKOBUS 1:9

Mian Kristen anu kasiasi de nuhangkatmo nu Tumpu tionyo ahi' saja' mongoa'i lame'.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.