AYUB 42:8 - KITAB NU TUMPU ALLA LELE MA'IMAI'

⁸ Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

AYUB 42:8 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

KAJADIAN 20:7

Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”

1 TAWARIKH 15:26

Popitu' na sapi' lakinyo ka' popitu' na domba sinombahkon hi Tumpu Allah kalana ia nontulungimo mian nu Lewi anu nonsimbumo Peti' Palajanjian aijo'.

2 TAWARIKH 29:21

Da bau koloban pongampuni dosa' hi auwan i tomundo ka' hi mian da'isan nu Yehuda ka da bau pomposusi' Laigan nu Tumpu, aha nomboamo 7 na sapi' lakinyo, 7 na domba lakinyo, 7 na anak nu domba, ka' 7 na mee' lakinyo. I tomundo nompalentahmo to ima-imam lee' mae i Harun da monsombahkon binatang haha aijo' i mezbah salaku koloban anu opotunu.

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

AYUB 22:30

Nutulungi nu Tumpu na beleyum de beleyum madi'mo ko kasala'an, ka' de beleyum mombau apaa na anu nuka'ima'i nu Tumpu.”

AYUB 35:8

Ola bubu'mo belemiu na monta'up kalugi'an kalana nusaduakon nu dosa' nu beleyum haha atina'. Ia mule' ahi' suele na mohumpak ka'untungan kalana ka'ima'an nu kalakuan nu beleyum.

AYUB 42:9

I Elifas, i Bildad tiba i Zofar, nombaumo apaa na anu pinokauhakonmo nu Tumpu ka' tinalimamo nu Tumpu na do'a i Ayub.

MAZMUR 103:10

Ia madi' mohukum kita sitimbang tiba, dosa'to, kabai mombalosi kita sitimbang tiba kasala'anto.

NOSABATMO 18:12

Lapas aijo' i Yitro nomboamo tino pia-piangkuka na koloban anu otunui ka' koloban anu o kolot da osombahkon hi Tumpu Allah. I Harun ka' to pola-polaya' iwi-iwi' nu aha bansa Israel tinokamo ka' nongkaanmo hingga-hinggat tiba i Yitro ka'ingatuhanmo nu Tumpu Allah.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YEREMIA 14:11

Tumpu notataemo mae hi belengku, “Bolimo mae momoita hi belengku da otulungi na mian haha aijo'.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 45:23

Kopinnyo molame'akon pitunsinaa aijo', saba' sansinaa toka sansinaa ia tionyo ahi' monsombahkon hi Tumpu popitu' na sapi' lakinyo ka' mule popitu' na domba lakinyo anu madi' kokulangnyo apa-apaa lantas opotunumo i angu-angu'annyo. Sansinaa toka sansinaa ia suele ahi' tionyo monsombahkon sa'angu' na mee' lakinyo bau koloban pongampuni dosa'.

NOMBILANGMO 23:1

Notatae na i Bileam hi Balak, “Baui mae na aku i tampat aiya popitu' na mezbah, ka' posadia popitu' na sapi' lakinyo ka' popitu' na domba lakinyo i aiya.”

NOMBILANGMO 23:14

Sahingga i Balak nomboamo i Bileam namba i padang Zofim, i bawo nu Bungkutnyo Pisga. Ikiijo' mae suele ia nompotinjomo popitu' na mezbah ka' nonsombahkonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

NOMBILANGMO 23:29

Notataemo na i Bileam hi Balak, “Bau na mezbah popitu' i tampat aiya ka' posadia i aiya popitu' na sapi' lakinyo ka' popitu' na domba lakinyo.”

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.

IBRANI 10:4

kalana memang baso' nu sapi' ka' baso' nu mee' lakinyo madi' moko ala mongalini dosa'.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

YAKOBUS 5:14

De ko anu masakit, tionyo ahi' ia molaga to pola-polaya' nu jama'at. Ka' tionyo ahi' polaya' haha aijo', mondo'akon mian anu masakit aijo' ka' monsapui nu lanya', ka' osanggoakon i sanggo nu Tumpu.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

1 YOHANES 5:16

De komiu montoa sala'samian sangko kita mian Kristen mombau dosa' anu madi' mongahenakon mian aijo' talakangkanan i kantumuu'an kopian ka' sampe toka sidu-sidutu', tionyo ahi' komiu mondo'akon hi Tumpu; ka' Tumpu mombee'je kantumuu'an aijo' hi ia. Aiya kona hi aha anu dosa'nyo madi' mongahenakon aha talakangkanan i kantumuu'an aijo'. Panyo daagi' ko dosa' anu mongahenakon mian talakangkanan i kantumuu'an aijo'. Mongkona han aijo' aku madi' notatae tukoongku komiu tionyo mondo'akon hi Tumpu.

1 YOHANES 5:6

I Yesus Kristusmo na anu tinoka i dunia tiba uee pinompalamandikan Ia ka' tiba baso' anu Ia sinilakamo. Ia tinoka misa' ola uee, panyo tiba uee ka' baso'. Ka' posi Roh nu Tumpu Allah na nompoto'i anu sinakisiannyomo tukoonyo memang aijo' totu'u, kalana Roh madi' toho' baleko'.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.

1 SAMUEL 25:35

Lapas aijo' i Daud nongalamo apaa na anu binoa mae i Abigail lantas pinoto'inyomo hi ia, “Pinsusule'mo i laigan nu beleyum ka' bolimo bata-bata. Apaa na anu pinoitamo nu beleyum ku bee'je.”