AYUB 42:6 - KITAB NU TUMPU ALLA LELE MA'IMAI'

⁶ Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

AYUB 42:6 ပူးပေါင်းရင်းမြစ်များ

KAJADIAN 18:27

I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa.

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

EZRA 9:6

Aku notataemo, “O Tumpu Allah-ngku, aku aiya ma'ambang na momposindahakon ubaku i ahop nu belento. Dosa' mami tinumambunmo aita' i ubak mami sahingga nonsulungmo langit.

AYUB 2:8

Lantas i Ayub sinumuhangmo koko tambulan nu duhehe ka' nongalamo kubeng nu lean bau lewa' pongkahutnyo butongnyo.

AYUB 30:19

Aku ilumbu'akon-Nyomo i uno nu hensek, aku me susumo duhehe!

AYUB 42:5

U'utu mae, aku monsumbu' Belento ola anu ku hongo hi mian, panyo uuka aiya sinumbu'kumo na Belento kalana nompaha ahopmo.

AYUB 42:7

Salatan ilapasmo na notatae hi Ayub, Tumpu notataemo hi Elifas, “Ku tambuha'imo na beleyum ka' hi sangalu nu beleyum ua'aha aijo', kalana belemiu madi' mompoto'i anu ahi' sahondo-hondonyo mongkona Aku. Panyo i Ayub posaihonku aijo' madi' sumo aijo'.

AYUB 9:31

Tinanomakonmo nu Tumpu Allah na aku i hensek anu madi' belesi', sahingga baju'ku suele nontaloakonmo tukoonyo aku nahenyumo.

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 36:31

Belemiu tonginau'mo anu u'utu mae i kalakuan nu belemiu anu ma'i-ma'idek ka' palabuatan nu belemiu anu madi' pantas aijo', lantas oposi kahegatimo nu belemiu na butong nu belemiu kalana nu saduakon nu dosa-dosa' ka' palabuatan anu ma'idek nu belemiu aijo'.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

IMAMAT 13:12

De nutoa nu imam nana'nyo mompute' aijo', nolelemo lengkat aita mae i ubaknyo toka-toka akaong i tengkenyo,

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

LUKAS 10:13

“Silakamo na komiu, Korazim! Ka' silakamo na komiu, Betsaida! Sa'andenyo anu okabangangi binau hi komiu aijo', binaumo i kota Tirus tiba i Sidon, tantu to mia-mian i kiijo' mae pininmo na binala tobat, madi'mo mombau dosa-dosa' nu aha ka' mibaju'mo nu baju' nu mian de ko anu silaka, ka' mongabu'imo ubak nu aha.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.