AYUB 42:12 - KITAB NU TUMPU ALLA LELE MA'IMAI'

¹² Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

AYUB 42:12 ပူးပေါင်းရင်းမြစ်များ

KAJADIAN 24:35

Tumpu talalo hondo mombalakati tuanku kiijo' ka' nompotimbalimo ia kinayamo hondo. Tumpu nombee'imo ia sampahas na domba, mee', sapi', unta, keledai, ka' mule' salaka, mosoni', tiba posaihon to momo'ane ka' to bou-boune.

AYUB 1:10

Ia, aha salaigan ka' iwi-iwi' na kakaya'annyo saja' nutoakon nu Belento. Kalajanyo nubalakati nu Belento, ka' ia obee'i nu Belento manjo' hondo na potu'on, lipu' songko-sogko nusongkohimo nu potu'onnyo.

AYUB 1:2

Ia kino to ana-anak mo'ane aha popitu' ka' aha totolu' na boune.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

AYUB 8:7

Kakaya'an nu beleyum anu iningkotmo aijo' madi' ko sanggonyo de opokakanakon tiba apaa na anu nu humpakje mule'.

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

ANU MOMPOLELE POTATAE NU TUMPU 7:8

Lebe ma'ima' ulusan nu palakala mingkotmo ka' de mule' montampu'unije ulusannyo. Lebe ma'ima sabaan ka' de mule' talalo takabun.

YEHEZKIEL 36:11

Miannyo ka' potuu'on nu belemiu Ku tuangimo sahingga majoo'mo hondo lebe'mo manjoo' na anu u'utu mae ka' mule' aha mohumpakmo lee' manjoo'. Aha po ule' tumuu' kiijo' mae susumo u'utu mae ka' Ku pojadimo sanang na kantumuu'an nu aha susumo anu ma'isa toho' tina'up nu belemiu. Sahingga nu sumbu'je nu aha taalu' Akumo ahi' na Tumpu.

PO'ULE' INGULIT 8:16

I padang bola Ia nombee'i manna da okaan nu belemiu, kaanon anu ma'isa nusumbu' nu mompolee' miu. Tumpu nompodaagi' aijo' da monsobai belemiu da momposanang kinyonyoa miu, da i mihinyo mae Ia timbali mombau anu ma'ima' hi belemiu.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.