AYUB 42:11 - KITAB NU TUMPU ALLA LELE MA'IMAI'

¹¹ Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

AYUB 42:11 ပူးပေါင်းရင်းမြစ်များ

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

KAJADIAN 24:53

Lantas ingalanyomo na baju', mainan salaka ka' mosoni', ka' binee'nyomo iwi-iwi' aijo' hi Ribka. Suele utusnyo tu'a ka' tinanyo binee'annyomo palasen anu toto maha-mahan.

KAJADIAN 37:35

Iwi-iwi' na to ana-anaknyo, to momo'ane, kabai to bou-boune toka mongindeko'. Ia notatae, “Sidutu' silaka na aku, aku saja' mohangi anakku.” Sumo aijo'mo na ia saja'mo nolibos monginau', kalana i Yusuf anaknyo sinilakamo.

AYUB 16:5

Kinyonyoa nu belemiu ku pohosonmo nu ngangahan na pokinde'; potataengku aiya bau pohase'.

AYUB 2:11

Balaa' anu nontokaimo i Ayub ihongomo nu aha totolu' na to sanga-sangalunyo, aijo'mo i Elifas lengkat mae i kota Teman, i Bildad mian nu Suah ka' i Zofar mian nu Naamah. Aha nosangaja'mo mae toka nontoa ka' mombee'i pikilan ia da tokolo' susa na kinyonyoanyo.

AYUB 4:4

Potatae nu beleyum na po'ule'mo nompohoson kinyonyoa nu aha, nohangkatmo mian anu tinondahapamo, anu pinoso'mo ka' nalawemo hondo.

AMSAL 14:20

Mian anu kasiasi madi' oka'ima'i nu tosanga-sangalunyo; panyo mian anu kaya manjoo' na balaa'nyo.

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

IBRANI 12:12

Kalana aijo', pohoson na limaum anu i lundengmo ka' buku nu beleyum anu i langkakatanmo aijo'!

IBRANI 13:3

O inau' na to mia-mian i uno nu talungku', au'aitu komiu suele kiijo' i uno nu talungku' tiba aha. Ka' to mia-mian anu lewa' okabisa'i, tionyo ahi' o inau' miu na aha au'aitu komiu suele binaumo sumo aijo'.

YOSUA 24:32

Butongnyo i Yusuf anu sinilakamo aijo' binoa nu aha mian nu Israel lengkat mae i Mesir ka' i lamunmo kiijo' i Sikhem i tano' anu ingolimo i Yakub, olinyo sa'atu na doi salaka hi to ana-anak i Hemor, tuuma i Sikhem. Tano' aijo' binee'mo salaku buden hi lee' i Yusuf.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.