AYUB 42:10 - KITAB NU TUMPU ALLA LELE MA'IMAI'

¹⁰ Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

AYUB 42:10 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

2 TAWARIKH 25:9

“Panyo mosia na salaka iwi-iwi' anu binee'kumo hi aha?” na koonyo i Amazia. Tinaaman nu nabi aijo', “Tumpu timbali monsule'akon hi belento tomundo lebe manjoo' molingkudui aijo'!”

AYUB 1:2

Ia kino to ana-anak mo'ane aha popitu' ka' aha totolu' na boune.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

AYUB 42:9

I Elifas, i Bildad tiba i Zofar, nombaumo apaa na anu pinokauhakonmo nu Tumpu ka' tinalimamo nu Tumpu na do'a i Ayub.

MAZMUR 126:1

Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 14:7

O'amalakon da lengkat mae kiita' i Sion tokamo mae na kasalamatan nu aha Israel! Sahingga lee' mae i Yakub lame'mo de nu po ule'mo nu Tumpu na kantumuu'an nu mian anu palesayamo hi Ia susumo naipuan mae.

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

AMSAL 22:4

Mian anu tulu-tulutan hi Tumpu ka' madi' buulon, saidi mae mohumpak kabilahian, ka' oholomati.

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YESAYA 61:7

Kalana belemiu nohumpakmo ambang pininduan lipat ka' kino kalakuanmo anu ma'idek ka' suele pinopo'ambangmo, binaumo bagian nu belemiu sahingga belemiu nohumpakmo bagian pinduan lipat i lipu' nu belemiu ka' mohumpakmo kasanangan sape toka sidu-sidutu'.

HAGAI 2:8

Iwi-iwi' na mosoni' tiba salaka i dunia aiya Aku na tumpunyo.

NOMBILANGMO 12:13

Sahingga i Musa notataemo hi Tumpu, “O Tumpu, ku poita, po'alinakon na ia!”

NOMBILANGMO 12:2

Aha notatae, “Te ola hi Musa na potataean mae nu Tumpu? Te misa' mau hi kita suele Ia timbali motatae?” Tumpu nohongomo apaa na anu tinaloakonmo nu aha.

NOMBILANGMO 14:10

Iwi-iwi' na mian da'isan mongkahanda'imo mompahambunu'akon aha nu batu sampe mate. Panyo monti-montiik mian haha aijo' nontoamo jingka nu Tumpu tinokamo aijo' i Kemah-Nyo.

LUKAS 16:27

‘Desumo aitu, Kita Tuumangku;’ tukoonyo nu mian kaya aijo', ‘ku poita sabole-bole Kita Tuumangku monsaiakon i Lazarus mamba i laigan nu tuumangku.

SISIKON NU TO RASUL-RASUL 7:50

Misa' posi Aku ahi' na nompotimbali anu haha aitu iwi-iwi'?’ sumo aijo'mo na koonyo nu Tumpu.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.

PO'ULE' INGULIT 8:18

O' inau' kalana Tumpu Allah nu belemiu na anu mombee'i kakaya'an aijo' hi belemiu.

PO'ULE' INGULIT 9:20

Tumpu notambuha'mo hondo suele hi Harun, sahingga kahanda'mo Nu patei, panyo aku nondo'akonmo ia.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

1 SAMUEL 2:7

Daagi ko mian anu pinokasiasiNyomo hondo, daagi mule' ko anu pinotimbaliNyomo da kinayamo. Daagi ko mian anu tinau'akonNyomo daagi mule ko mian anu ihangkatNyomo mata-matangkas.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.