AYUB 41:34 - KITAB NU TUMPU ALLA LELE MA'IMAI'

³⁴ Maumo binatang anu talasanggo, panyo ia na montoa sumo anu madi' kokaliangannyo; iwi-iwi' na binatang anu mahangas iamo na tomundo'nyo.”

AYUB 41:34 ပူးပေါင်းရင်းမြစ်များ

AYUB 26:12

Ndalangon songko-songko mahungku hi kuasa-Nyo, ka' i Rahab suele dinokemo nu kapandean nu Tumpu Allah.

AYUB 28:8

Ma'isa toho' singa kabai binatang sangga'at anu mahangas, montului jalan anu liing hondo mokiijo'.

AYUB 42:1

Tinaamanmo i Ayub na Tumpu, “Ku sumbu', na Belento, O Tumpu, memang talalo hondo Daka' na kuasa nu Belento; Belento moko ala hondo mombau maumo pa' apaa.

MAZMUR 73:10

sahingga suele mian anu palesayamo hi Tumpu montulutimo aha, ka' mule' palesayamo hi sisik nu aha.

MAZMUR 73:6

Kalana aijo' aha binuulonmo, ka' saja' singgi na mompalentah.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

YESAYA 28:1

Silakamo na kota' anu nunu takabunakon nu to mia-mian anu saja' malangu aijo' hi aha Israel! Kaimaannyo luso'mo sumomo bunga anu mangkalualemo aita' i ubak nu aha. Silakamo na kota' anu matangkas hondo itotonga' nu bangka'nyo anu ma omuk, nunu takabunakon nu to mia-mian anu taha-tahahumo na malangu.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

ANU PINOTO'I HI YOHANES 13:2

Binatang anu tinoangku aijo' sumo harimau, ka' tengkenyo sumomo tengke nu beruang, ka' nganga'nyo sumomo nganga' nu singa. Lantas binatang aijo' binee'an nu ulo anu talalo hondo daka' aijo' kahosonannyo, ka' kasuhangannyo, tiba mule' ahi' kakuasa'annyo anu daka'.