AYUB 4:6 - KITAB NU TUMPU ALLA LELE MA'IMAI'

⁶ Te misa' beleyum talalo ahi' tulu-tulutan hi Tumpu Allah; te misa' kantumuu'an nu beleyum madi' ahi kinokakulangannyo? Desumo aitu, na konanyomo ahi' na beleyum totu-totu'u na kinyonyoa palesaya, ka' madi' timbali susa' na kinyonyoa.

AYUB 4:6 ပူးပေါင်းရင်းမြစ်များ

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

AYUB 16:17

Panyo aku madi' noto'idek; jadi do'angku hi Tumpu nolengkat ahi' i kinyonyoa anu madi' tageo'.

AYUB 17:15

Iya na bau daagi' kataha'imananku; ihe na montoa kabilahian anu ku humpak?

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 27:3

Maumo ahi' aku otiku nu gombuan nu suludadu anu da'isan hondo, aku madi'mo mabuhuk. Maumo ahi' tokamo mae na anu mompahampateakon mongewa aku, aku tataap sabole-bole montaha'imani Tumpu.

AMSAL 14:26

Mian anu tulu-tulutan hi Tumpu madi' lewa' pusing na bapikin; ka' to utu-utusnyo ko anu monjagai.

AMSAL 3:26

Tumpu na monjagai belemiu. Madi' Nu pojohok na belemiu nukona nu so'o.

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.