AYUB 4:20 - KITAB NU TUMPU ALLA LELE MA'IMAI'

²⁰ Aha mian aijo' tumuu' daagi' subu lantas silakamo de mamalomo, ka' sampe toka sidu-sidutu' ia madi'mo daagi' o'inau'.

AYUB 4:20 ပူးပေါင်းရင်းမြစ်များ

2 TAWARIKH 15:6

Bansa sangga'at monsakisamo bansa sangga'at, kalana pinotokamo nu Tumpu na pahampatean anu sidamo hondo hi aha.

2 TAWARIKH 21:20

Madi' ko samian anu nonsusuai ia sinilakamo. Ia i lamun kiijo' i kota' Daud, panyo misa' i pinolamunan aha to tomu-tomundo. Tempo'nyo ia tinimbalimo tomundo, umun i Yehoram 32 mo na taun, ka' ia nompalentah i Yerusalem 8 na taun na kinopinnyo.

AYUB 14:14

Kalana de bisuannyo manusia silakamo te ia daagi' po'ule' tumuu'? Toka sansina-sinaa na aku montanda'i sampe tokaje na tempo'nyo madi'mo ko kasansala'anku anu sumo aiya.

AYUB 14:2

Ia minsumpe lantas mangkalualemo susumo bunga-bunga; susumo lolung monti-montiik madi'mo otoa.

AYUB 14:20

Nupatundu'mo nu Belento na ia sampe toka sidu-sidutu'; sinaimo nu Belento na ia da mambamo ka' binali'anmo nu Belento na ohupnyo.

AYUB 16:22

Labinyo nu taun anu daagi' katumuu'anku madi'mo manjoo'; gagana' uuka aku mambamo ka' madi'mo daagi' po'ule' minsusule' mae.

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

AYUB 20:7

panyo ia saidi' mae madi'mo otoa-toa sampe toka sidu-sidutu', madi'mo otoa-toa i dunia kalana han anu moko ambang hondo. To mia-mian anu monsumbu'mo ia, molelekimo, “E, pa' noyamo na ia?”

MAZMUR 37:36

Tempo'nyo aku notulu ia imadi'anmo iliongku na ia panyo madi'mo ihumpaku.

MAZMUR 39:13

Potombihingakon mae na do'angku o Tumpu, palahatikan mae de timbali na anu ku kakase aiya; boli ola momohokot de maluanyo aku humangmo. Susumo iwi-iwi' na mompolee'ku ola sasaingoni' na aku manumpang hi Belento.

MAZMUR 92:7

Mian anu ponga' madi' hondo moko ala monsumbu' mian anu waweng madi' moko ala mompangalatii.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.