AYUB 38:8 - KITAB NU TUMPU ALLA LELE MA'IMAI'

⁸ Ihe na noko alamo nontumban ambai salatan lengkat mae i kompong nu tano' nosawe'mo mae na ueenyo?

AYUB 38:8 ပူးပေါင်းရင်းမြစ်များ

KAJADIAN 1:9

Lapas aijo' Tumpu notatae mule', “Tionyo ahi' uee anu i aluknyo nu langit mo ili mamba i sa'angu' na tampat, sahingga tano' kantoan”. Lantas han aijo' tinimbalimo.

AYUB 28:25

Salatan mombun binee'an-Nyomo kahosonan ka' tinantukan-Nyomo na katokaannyo nu ambai;

AYUB 38:10

Akumo na nontantukan potempasan nu ambai ka' sabatannyo sinupatan-Kumo da boli mosabat.

AYUB 38:9

Akumo na nontindungi ambai nu kundom, ka' nolupi' nu pintung.

MAZMUR 104:6

Belento nongkukumbungimo nu ndalangon anu talalo hondo ewa, ueenyo noletabimo bawonyo nu bungkutnyo iwi-iwi'.

MAZMUR 107:24

Aha nontoamo apa-apaa na anu binaumo nu Tumpu, anu binau-Nyomo ka' okabangangi i ndalangon.

MAZMUR 33:7

Iwi-iwi' na ambai pinosa'angu'-Nyomo isa'angu' na tampat ndalangon anu talalo ahi' ewa tinahan-Nyomo i uno nu bandungan.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

AMSAL 8:29

salatan Ia nompalentahmo ambai da boli molanggai potempasannyo. Aku suele hingga-hinggat kiijo'mo mae. Salatan latas nu dunia pinolatas-Nyomo.

YESAYA 40:12

Ihe na moko ala montakan ndalangon nu pala nu limanyo, kabai mongukun aita' langa ola ojingkan nu lima? Ihe na moko ala montakan tano' nu dunia aiya nu pontakan, kabai montimbang bungkutnyo tiba puge'nyo nu timbangan?

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.