AYUB 38:6 - KITAB NU TUMPU ALLA LELE MA'IMAI'

⁶ Mosia na ohi' bau pinontungkon dunia da nahoson na tinumin jo? Ihe na nompotimpas hoso-hoson batu anu i pasu'nyo nu dunia da nahoson,

AYUB 38:6 ပူးပေါင်းရင်းမြစ်များ

AYUB 26:7

Tumpu Allah nombokamo ewa-ewa langit aita' i bawo nu ndalangon songko-songko ka' pinokalayo'-Nyomo na dunia i tampat anu madi' ko isinyo.

MAZMUR 104:5

Dunia binaumo hoso-hoson nu Belento i tampat anu pinaningkoannyo, sahingga madi'mo gayu'an sampe toka sidu-sidutu'.

MAZMUR 118:22

Batu anu ingalinmo nu to tuka-tukang anu nombau laigan tinimbalimo batu pinongusoi.

MAZMUR 144:12

O'amalakon da to ana-anakto mo'ane de daagi' olitau sumomo sosu'anon anu ko daka-daka'nyomo. O'amalakon da to ana-anakto boune sumomo ahi' ohi anu handa, anu bau pombunga-bungai pasu'nyo i laigan nu tomundo'.

MAZMUR 24:2

Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

AMSAL 8:29

salatan Ia nompalentahmo ambai da boli molanggai potempasannyo. Aku suele hingga-hinggat kiijo'mo mae. Salatan latas nu dunia pinolatas-Nyomo.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.