AYUB 38:28 - KITAB NU TUMPU ALLA LELE MA'IMAI'

²⁸ Pa' ujan ko tuumanyo? Ihe na tuumanyo nu dondu'ok?

AYUB 38:28 ပူးပေါင်းရင်းမြစ်များ

KAJADIAN 27:28

O'amalakon da Tumpu Allah mombee'i ujan lengkat mae i langit, da mompotimbali iwi-iwi' na ale' nu beleyum molumba'! O'amalakon da Ia mombee'i beleyum gandum ka' anggur molabi-labi!

KAJADIAN 27:39

Lapas aijo' i Ishak notataemo hi ia, “Madi'mo daagi ko ujan lengkat mae i langit toka hi beleyum, madi'mo daagi' ko ale' anu molumba' hi beleyum.

2 SAMUEL 1:21

O to bungku-bungkutnyo haha aita' i Gilboa hongo mae na potataengku: Boli ko dondu'ok ka' ujan mohumpisi belemiu! Pojohok da manggas ka' mateges na ale' nu belemiu tiba padang nu belemiu. Kalana kiita'mo mae na pinanintimpasan nu kanta nu mian anu baani hondo. Ka' kanta i Saul mule' ingatakonmo madi'mo ilanya'an.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

AYUB 29:19

Aku sumo kau' anu tumuu' molumba', sukup na uee tiba dondu'ok ibakatnyo mohumpisi panga'nyo.

AYUB 36:27

Tumpu Allah na mohangkat uee lengkat i tano' mokiita' timbali kundom lantas obali'mo timbali ujan.

AYUB 36:28

Ia na nombulok ka kon ujan lengkat mae aita' i talise', dinudu'akon-Nyomo nokaiyong hi manusia.

AYUB 38:8

Ihe na noko alamo nontumban ambai salatan lengkat mae i kompong nu tano' nosawe'mo mae na ueenyo?

MAZMUR 147:8

Iamo na nompobi kundom aita' i langit; Iamo na nompotouka ujan pongujani tano', ka' nompotumuu' hemput i puge'nyo.

AMSAL 3:20

Kalana ilimu'-Nyo Ia nompotimbalimo iwi-iwi' na mata nu uee i aluk nu tano' nobiha'mo ka' no ilimo na ueenyo ka' kundom aita' i langit nombubusakonmo mae uee aiya i tano'.

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 5:24

Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

HOSEA 14:5

Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

PO'ULE' INGULIT 33:13

Mongkona lee' i Yusuf, ia notatae: “O'amalakon da tano' nu aha nubalakati nu Tumpu obee'i ujan, ka' tiba uee i uno nu tano'.

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.