AYUB 37:4 - KITAB NU TUMPU ALLA LELE MA'IMAI'

⁴ Lapas aijo', i hongomo na potatae-Nyo anu talalo ahi' daka' hondo, onyi' nu gohung anu talalo hondo lintuban. ka' mule' i olotnyo nu onyi' anu pinoge-pogelege'mo, gohung ka' kilat pinoka-pokalapitmo ka' noto-nototaaman mo.

AYUB 37:4 ပူးပေါင်းရင်းမြစ်များ

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

AYUB 28:26

Salatan tinantukan-Nyomo na katudunan nu ujan, ka' katuluan nu kilat ka' gohung;

AYUB 37:2

Hongo na potatae nu Tumpu Allah, o belemiu iwi-iwi'; potombihing na gohung anu nosabatmo mae lengkat i nganga'-Nyo.

AYUB 37:3

Namba i songko-songko na langit, na pinompolapasannyo kilat-Nyo; sinai-Nyo na kilat-Nyo galo-galo' gohung toka-toka i puusnyo nu dunia.

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 18:14

Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.