AYUB 37:23 - KITAB NU TUMPU ALLA LELE MA'IMAI'

²³ Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 37:23 ပူးပေါင်းရင်းမြစ်များ

AYUB 11:7

Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 11:8

Kuasa-Nyo na lebe matangkas molingkudui kotangkasnyo nu langit; madi' nupoko ala nu kawe nu beleyum na kuasa-Nyo ka' madi' nupoko ala nuhumpak nu beleyum. Kuasanyo lebe maleeng molingkudui dunia nu mian anu sinilakamo, madi' nupoko ala nusumbu' totu-totu'u.

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

AYUB 36:26

Tumpu Allah totu-totu'u talalo ahi' talasanggo madi' opoko ala okiop to na tanga'an-Nyo kabai mombilang konjoo'nyo nu taun anu Nugunakon.

AYUB 36:3

Anu ku sumbu' manjoo' hondo; jadi ku gunakonmo na han aijo' da bau pomponyata' saba' adin hondo na anu Nompodaagi'mo aku.

AYUB 36:5

Tumpu Allah aijo' daka' hondo na kuasanyo! Iwi-iwi' timbali Nu sumbu'. Madi' ko samian na anu Nutoa madi' kokaliangannyo.

AYUB 37:19

Pogulu' mae na kami apaa na anu tionyo opoto'i mami hi Tumpu Allah; madi' ko anu opoko ala mami opoto'i nasa-nasa, pikilan mami madi' ko isinyo.

AYUB 37:22

Jingka susumo mosoni' ilubatmo mae sasu utara, ka' katalasanggoan nu Tumpu Allah nompobangangmo kinyonyoanto.

AYUB 8:3

Tumpu Allah madi' toho' monggeo-geo'akon ka'adinan; madi' toho' mahungku' na montinjohakon kahondoan.

AYUB 9:19

Pa' ku ewamo o da mahanjagunmo tiba Ia? Panyo soba toa, talalo ahi' Ia mahoson! De bisuannyo Ia ku tuntut na kasala'an-Nyo, ihe na baani molaga Ia da mamba hi mian kopian?

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

MAZMUR 62:12

Pa' piniangkukamo na aku nohongomo Tumpu notatae, tukoonyo, kakuasa'an nolengkat mae hi Ia,

MAZMUR 65:6

Belento nontaamimo mae kami ka' nombee'imo mae kami da inguntungmo na nahampate, binaumo nu Belento na hahan anu okabangangi kahanda' momposalamat kami. Belento na kataha'imanan nu bansa iwi-iwi' toka-toka i ndalangon anu najo'onmo.

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

ANU MOMPOLELE POTATAE NU TUMPU 3:11

Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

ANU MOMPOLELE POTATAE NU TUMPU 7:24

Ihe na moko ala mohumpak alati'nyo nu kantumuu'an aiya? Talalo hondo susa' na mompangalati'i.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEHEZKIEL 18:23

Te nututugi nu beleyum Aku, Tumpu Anu Matangkas na Kuasanyo sanang de mian anu ma'idek na kinyonyoanyo silakamo? Madi' ahi' sahondo-hondonyo! Ku pai indi ahi' da nu pala'imo na dosa'nyo iwi-iwi' da ia tataap ahi' tumuu'.

YEHEZKIEL 18:32

Aku madi' sanang de ko samian anu silaka. Pala'imo na dosa-dosa' nu beleyum da belemiu tataap tumuu'. Aku Tumpu Anu Matangkas na Kuasanyo notataemo.”

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 12:10

Tu'anyonto i dunia mompokinde'i kita madi' sampe toka sidu-sidutu', ola iya na anu nu oa'i nu aha ma'ima'. Panyo Tumpu Allah mompokinde'i kita da bau ka'ima'anto da kita timbali susi' hingga-hinggat tiba Ia.