AYUB 37:14 - KITAB NU TUMPU ALLA LELE MA'IMAI'

¹⁴ Soba pomohokot pe'e, o Ayub, ka' potombihing mae; sabole-bole o'inau' na hahan anu okabangangi anu binaumo nu Tumpu Allah.

AYUB 37:14 ပူးပေါင်းရင်းမြစ်များ

AYUB 36:24

Saja' ia opuji' kalana apa-apaa na anu binau-Nyomo, ka' beleyum mule' tionyo ahi' mongadati Ia.

AYUB 37:13

Tumpu Allah nombee'imo mae ujan da bau pohumpisi tano', kabai mule' da bau pohukum manusia; ka' ugaat mule' da opotoa hi aha, na kalibosan-Nyo anu talalo hondo anu tataap sampe toka sidu-sidutu'.

AYUB 37:15

Pa' sinumbu'mo nu beleyum mosia na Tumpu Allah nombee'imo mae tanda, sahingga kilat ilubatmo mae aijo' i kundom ka' talise.

AYUB 37:16

Pa' nusumbu' nu beleyum mosia na kundom haha aita' lumahap aijo'mo na kapandean nu Tumpu Allah anu talalo hondo okabangangi?

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 111:2

Totu-totu'u okabangangi hondo na apa-apaa anu binaumo nu Tumpu, pantasmo na oselidiki nu to mia-mian anu mongka'ima'i.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

ANU MOMPOLELE POTATAE NU TUMPU 7:13

Palahatikan na pakalaja'an nu Tumpu. Kalana ihe na moko ala mompohodi' apaa anu pinotageo'mo nu Tumpu?

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.