AYUB 37:13 - KITAB NU TUMPU ALLA LELE MA'IMAI'

¹³ Tumpu Allah nombee'imo mae ujan da bau pohumpisi tano', kabai mule' da bau pohukum manusia; ka' ugaat mule' da opotoa hi aha, na kalibosan-Nyo anu talalo hondo anu tataap sampe toka sidu-sidutu'.

AYUB 37:13 ပူးပေါင်းရင်းမြစ်များ

2 SAMUEL 21:10

Lantas i Rizpa ambahue' i Saul nilatasmo nu kalung aijo' i batu anu pipinompo una'an bangke' haha aijo' sika-sikatimpas. I Rizpa madi'mo nompala'i tampat aijo' salatan pe'e pinongalapanmo isi nu ale' sahingga tinokamo na tempo'nyo nu ehua ka' tempo'nyo aitu hon nu kau' nohudu'mo. Sinaa madi' nu pobee' na bangke' haha aijo' nu tungkugi nu to tomo-tomonsi' kabai de malomo dumo nu kaan nu to bina-binatang anu mahangas.

2 SAMUEL 21:14

Lapas aijo' buku i Saul tiba i Yonatan haha aijo' tiba bukunyo nu aha popi-popitu' haha aijo' ilamunmo i pinolamunan i Kish tuuma i Saul kiijo' i Zela i da'erah nu aha Benyamin. Salatan iwi-iwi' pinokobaumo susumo koonyo nu palentah i tomundo' Tumpu Allah nontalimamo do'a nu aha, nondo'akon lipu' aijo'.

1 TOMU-TOMUNDO' 18:41

Lapas aijo' pinoto'imo i Elia hi Tomundo' Ahab, “Uuka aiya sahanyo belento Tomundo' mambamo pongkaan! Gagana' uuka ujanmo, kalana i hongongkumo na buhoknyo mae.”

1 TOMU-TOMUNDO' 18:45

Ola sangkinihap sasaidi' pintungmo na langit, ka' mombun makansangmo ka' mule' ujan mabohosmo natudun. I Ahab sinumake'mo i karetanyo lantas ninsusule'mo i Yizreel.

EZRA 10:9

Salatan tinolunsinaamo kinakonamo i tanggan uampulu'mo, bitu'on ko osio'nyomo, iwi-iwi' na to momo'ane anu jojoong i da'erah Yehuda ka' Benyamin tinokamo i Yerusalem ka' sinihukmo i popasan nu Laigan nu Tumpu. Tempo'nyo aitu tinudunmo na ujan mabohos hondo. Iwi-iwi' na mian ilangkungkunanmo kalana mobakin hondo, panyo kalana penting hondo na aha sihuk aijo'.

AYUB 36:31

Sumo aijo' na Ia mompotuu' to bansa-bansa, ka' mombee'i aha anu o kaan molabi-labi.

AYUB 37:14

Soba pomohokot pe'e, o Ayub, ka' potombihing mae; sabole-bole o'inau' na hahan anu okabangangi anu binaumo nu Tumpu Allah.

AYUB 37:6

Eis nanabu'mo i tano' kalana pinalentahnyomo; ujan anu daka' hondo tinudunmo mae kalana sinai-Nyomo mae.

MAZMUR 65:10

Tano' aitu Belento na mongkalesang ka' Belento na nombee'i mae ujan, pinotimbalimo nu Belento da na'omuk sahingga hasinnyo manjoo' hondo. Iwi-iwi' na kaunyo pinobuke'an nu Belento nu uee, tinoukanmo nu Belento gandum na aha, ya, sumo aijo'mo na Belento nompotoukai.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.