AYUB 37:12 - KITAB NU TUMPU ALLA LELE MA'IMAI'

¹² Kundom haha aijo' ilumapmo namba i songko-songko na dunia, kalana palentah nu Tumpu Allah aha nambamo noyaya.

AYUB 37:12 ပူးပေါင်းရင်းမြစ်များ

AYUB 36:32

Kilat nu hakop nu lima-Nyo ka' nu pokau monsosak anu Nu poki sosak.

AYUB 37:3

Namba i songko-songko na langit, na pinompolapasannyo kilat-Nyo; sinai-Nyo na kilat-Nyo galo-galo' gohung toka-toka i puusnyo nu dunia.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 147:15

Ia nompalentahmo tano', ka' potatae-Nyo sampa olakukan.

MAZMUR 148:8

o kilat ka' ujan eis, ujan batu ka' kundom, baleba' anu makansang hondo anu pinalentahmo nu Tumpu!

YESAYA 14:21

Pongkolotan sampamo lia-lia' otampu'uni! Anak nu beleyum anu toto momo'ane silakamo kalana do'a nu mompolee' nu aha. Madi' kosamiannyo na anu aijo' hi aha timbali mompalentah idunia aiya kabai lewa' mombau kota'.”

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YOËL 2:23

O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.