AYUB 36:7 - KITAB NU TUMPU ALLA LELE MA'IMAI'

⁷ To mia-mian anu hodi' na kinyonyoanyo saja' Nu palahatikan. nu potimbali na aha da balakuasa susumo to tomu-tomundo, sahingga aha o'adati sampe toka sidu-sidutu'.

AYUB 36:7 ပူးပေါင်းရင်းမြစ်များ

KAJADIAN 23:6

“Kami mongadati belento Tuan salaku polaya' anu mahoson aiya hi kami, jadi lamunmo na bengkele' nu belento Tuan i uno nu polamunan mami anu ma'ima' hondo. Kami iwi-iwi' mongoa'i sanang hondo na montoukai polamunan bengkele' nu belento Tuan.”

KAJADIAN 41:40

Beleyum ku hangkatmo timbali gubernur, ka' iwi-iwi' na layatku tionyo ahi' nontuluti palentah nu beleyum. Ola aku na lebe matangkas na kuasa molingkudui beleyum.”

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

ESTER 10:3

I Mordekhai mian nu aha Yahudi aijo' tataap montoongi pangkat anu matangkas panyo i aluknyo ahi' nu kakuasa'an i Tomundo' Ahasyweros. I Mordekhai oholomati ka' nu ka' ima'i nu to mia-mian anu bubu' bansa nu aha. Ia binala usahamo totu-totu'u bau ka' ima'an ka' kamajuan nu bansanyo ka' mule' iwi-iwi' na lee' nu aha.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

AYUB 22:29

Mian anu saja' mohangka-hakgat butongnyo nutauakon nu Tumpu, panyo anu madi' lewa' mohangka-hangkat butongnyo nu posalamat nu Tumpu.

AYUB 31:4

Tantu nusumbu' nu Tumpu Allah na anu binaungkumo iwi-iwi'; kolangka-langkasku iwi-iwi' tinoa-Nyomo.

AYUB 4:7

Soba tutugi, pa' toho' ko mian anu madi' ko sala'nyo nutokai mae nu susa' ka' balaa'?

AYUB 42:12

Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

AYUB 5:11

Iamo na Tumpu Allah anu mohangkat mian anu madi' talakana', ka' mombee'i kabilahian hi mian anu susa'.

MAZMUR 33:16

Tomundo' madi' sanangkalana suludadunyo da'isan suludadu madi' salamat kalana aha mahoson.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

MAZMUR 34:16

Tumpu mompalahatikan mian anu bala iman hondo, Nu potombihing de aha moloboo' momoita tulung.

MAZMUR 41:12

De maluanyo aku madi' nu pokala nu sampobali'ku, atina'je ka' kusumbu' taalu' Belento sanang ahi' mae hi belengku.

YESAYA 22:23

Ia ku bee'imo pangkat anu mahoson hondo susu mo apa anu pinokona mahoson hondo i mesen. Iwi-iwi' na to utu-utusnyo mae oholomatimo kalana ia.

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

1 PETRUS 3:12

Kalana Tumpu saja' monginau' to mia-mian anu montuluti pongka'oho'-Nyo; ka' Tumpu saja' mohongo iwi-iwi' do'a nu aha; panyo Tumpu mongewa to mia-mian anu mombau ka'idekan.”

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.