AYUB 36:4 - KITAB NU TUMPU ALLA LELE MA'IMAI'

⁴ Potataengku madi' ko anu madi' totu'u; mian anu totu-totu'u pande na bapikin aiya i ahop nu beleyum.

AYUB 36:4 ပူးပေါင်းရင်းမြစ်များ

AYUB 13:4

kalana kaponga'an nu belemiu okulubimo nu belemiu nu han nu belemiu anu mongakali, madi' sala' sumomo ahi' sando anu madi' totu'u.

AYUB 13:7

Pa' timbali kalana Tumpu Allah sahingga belemiu baleko'mo? Pa' timbali belemiu baleko' kalana kapentingan-Nyo?

AYUB 21:27

Memang ku sumbu' apaa na anu opotutugakon nu belemiu, ka' iwi-iwi' na kalakuan anu ma'idek anu otanga'imo nu belemiu.

AYUB 21:34

Jadi potatae nu beleyum anu kahanda' mae mohase' aijo' madi' totu'u, ka' iwi-iwi' na anu pinontaami mae nu beleyum itina' baleko'!”

AYUB 33:3

Hodi-hodi' na kinyonyoangku motatae; anu kahanda' ku poto'i aijo'mo anu sahondo-hondonyo.

AYUB 37:16

Pa' nusumbu' nu beleyum mosia na kundom haha aita' lumahap aijo'mo na kapandean nu Tumpu Allah anu talalo hondo okabangangi?

AYUB 6:28

Soba, hongo ima-ima' na aku; te toho' mule' aku aiya momaleko'i belemiu?

MAZMUR 49:3

maumo mian anu madi' talasanggo, kabai mian anu talasanggo, maumo mian anu kasiasi, kabai mian anu kaya.

LUKAS 1:3

Pinoko palesangku ima-ima' iwi-iwi' aijo' lengkat pe'e i pu'unnyo, kututugi ma'ima' da montulis sa'angu' na lapulan anu ta'atun toka hi kita Tuan.

SISIKON NU TO RASUL-RASUL 24:22

Lantas i Feliks anu monsumbu'mo manjoo' na pangajalan mongkona i Yesus, madi'mo nonginsuhakon ulusan nu palakala aijo'. “Ku putusimo na palakala aijo',” tukoonyo, “de i Lisias kapala nu suludadu tokamo.”

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.