AYUB 36:26 - KITAB NU TUMPU ALLA LELE MA'IMAI'

²⁶ Tumpu Allah totu-totu'u talalo ahi' talasanggo madi' opoko ala okiop to na tanga'an-Nyo kabai mombilang konjoo'nyo nu taun anu Nugunakon.

AYUB 36:26 ပူးပေါင်းရင်းမြစ်များ

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

AYUB 10:5

ka' umun nu Belento madi' sumo ko kodo' nu umunnyo.

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

AYUB 36:25

Iwi-iwi' na mian nontoamo apaa na anu binau-Nyomo; panyo maumo samian madi' ko anu monsumbu' totu-totu'u.

AYUB 36:27

Tumpu Allah na mohangkat uee lengkat i tano' mokiita' timbali kundom lantas obali'mo timbali ujan.

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

IBRANI 1:12

Songko-songko na dunia aiya nu tapi' sumo baju', ka' sangga'atje na bau pombolosi nu Belento. Panyo Belento madi' toho' mongabali', ka' kantumuu'an nu Belento madi' ko kamingkotannyo.”

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.