AYUB 36:24 - KITAB NU TUMPU ALLA LELE MA'IMAI'

²⁴ Saja' ia opuji' kalana apa-apaa na anu binau-Nyomo, ka' beleyum mule' tionyo ahi' mongadati Ia.

AYUB 36:24 ပူးပေါင်းရင်းမြစ်များ

1 TAWARIKH 16:9

Onyanyiakon na bau pompuji' Tumpu, obebakon iwi-iwi' apaa na anu binau-Nyomo anu okabangangi.

AYUB 36:25

Iwi-iwi' na mian nontoamo apaa na anu binau-Nyomo; panyo maumo samian madi' ko anu monsumbu' totu-totu'u.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 111:8

Atulan-Nyo opake sampe toka sidu-sidutu' totu'u ka' adin na mompojalan.

MAZMUR 138:5

Aha monyanyiakonmo anu pinojadimo nu Belento ka' katalasanggoan nu Belento anu daka' hondo.

MAZMUR 28:5

Aha madi' mompajuli palabuatan nu Tumpu, kabai pa' apaa na anu binau-Nyomo. Sahingga ihukum-Nyomo na aha ka' nonsilakaimo aha sampe toka sidu-sidutu'.

MAZMUR 34:3

Aku binilahimo kalana palabuatan nu Tumpu; o'amalakon da mian anu sinansalamo mohongo mae ka' lame'mo.

MAZMUR 59:16

Aha mamba momoya molio anu okaan, ka' mintaumo de madi'mo mobosu.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

NOSABATMO 15:1

Lantas i Musa ka' to mia-mian Israel nonyanyimo, nyanyian aiya bau pompuji' Tumpu, “Aku kahanda'mo manyanyi mompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalin-Nyomo i uno nu ambai.

YEREMIA 10:12

Tumpu nompotimbalimo tano' kalana kakuasa'an-Nyo, nombontukmo dunia kalana kapandean-Nyo ka' nombokamo langit kalana suele kapandean-Nyo.

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

LUKAS 1:46

I Maria notatae, “Kinyonyoangku mompuji' Tumpu,

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

TO MIA-MIAN KOPIAN 5:1

Sinaa aitu nanyanyimo na i Debora tiba i Barak anak i Abinoam. Sumo uuka na koonyo nu aha: