AYUB 36:11 - KITAB NU TUMPU ALLA LELE MA'IMAI'

¹¹ De aha montulutimo Tumpu Allah ka' monsombahmo Ia, aha tumuu'mo dame ka' mohumpakmo kabilahian sampe toka na tempo'nyo aha silakamo.

AYUB 36:11 ပူးပေါင်းရင်းမြစ်များ

2 TAWARIKH 33:13

Tumpu Allah nohongomo do'a i Manasye ka' po'ule'mo nonsule'akon ia namba i Yerusalem da po'ule' mule' mompalentah. Kalana apaa na anu jinadimo hi Manasye aijo' sahingga ia pinalesayamo hondo-hondo tukoonyo taalu' memang Tumpu aijo'mo na Tumpu Allah.

AYUB 21:11

To ana-anak nu mian anu ma'idek na kinyonyoanyo nahalumpatanmo kalana i lame'mo, sumomo domba anu daagi' anaknyo i lame'mo.

AYUB 21:13

Sansina-sinaa na kantumuu'an nu aha mingahen i kabilahian, ka' de silakamo sanang hondo na kinyonyoa nu aha.

AYUB 22:21

Jadi, O Ayub pompaha damemo tiba Tumpu, da bolimo saja' mangada' na kinyonyoa nu beleyum, De nubaumo nu beleyum sumo aijo', mohumpakmo ka'untungan na beleyum.

AYUB 22:23

Po'ule'mo balatobat hi Tumpu ka' bolimo beleyum mindaka-daka' na kinyonyoa, ka' hahan anu ma'idek i uno nu laigan nu beleyum bolimo daagi' nu bau.

AYUB 42:12

Tuha'nyo nu kantumuu'an i Ayub aijo', nolabi-labimo na Tumpu nombalakati, ilingkuduannyomo na u'utu mae ia ma'isa pe'e tinokan nu balaa'. I Ayub kino mee'mo ka' domba 14.000, unta 6.000, sapi' 2.000, ka'keledai 1.000.

MAZMUR 119:3

Mohumpak ka'ima'an na mian anu kantumuu'annyo montuluti pongka'oho' nu Tumpu, ka' madi' mombau anu ma'idek.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

AMSAL 1:33

Panyo mian anu mompotombihing mae aku tumuu' ma'ima'. Ia tumuu' madi' ko anu mompoposia ka' madi' palalu mabuhuk.”

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YEREMIA 26:13

Kalana aijo' bali'imo na jalan nu kantumuu'an nu belemiu tiba palabuatan-palabuatan nu belemiu; tuluti na Tumpu Allah nu belemiu da Nu intim pe'e na niat-Nyo monsilakai belemiu.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

PO'ULE' INGULIT 4:30

De belemiu nutokai nu balaa' aijo' iwi-iwi' ka' belemiu i uno nu kasusa'an, saba' belemiu minsusule'mo hi Tumpu Allah nu belemiu ka' tulu-tulutanmo hi Ia.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’