AYUB 36:10 - KITAB NU TUMPU ALLA LELE MA'IMAI'

¹⁰ Pinokaunyomo na aha da mompotombihing pokinde'-Nyo ka' mompala'imo kalakuan anu ma'idek na aha.

AYUB 36:10 ပူးပေါင်းရင်းမြစ်များ

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

AYUB 36:15

Tumpu Allah mompokinde'i manusia mompake jalan aijo'mo Ia nombee'imo kasansala'an. kasusa'an na ginunakon-Nyo da bau pomposinsumbu' nusia.

AYUB 36:21

Jaga ma'i-ma'ima boli mongka'ima'i bauon anu palaganta. Kasansala'an anu ingoa'anmo nu beleyum aijo' alati'nyo da beleyum bolimo mombau anu ma'idek.

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

YESAYA 48:17

Koonyo nu Tumpu nu Israel anu susi' anu Momposalamatmo beleyum, “Akumo na Tumpu nu beleyum anu nompogulu'mo hi beleyum apaa na anu mingguna hi beleyum, ka' nompotiju'mo beeyum jalan anu tionyo ahi' otului.

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

YUNUS 3:8

Mian ka' binatang tionyo ahi' mompake hude kalung. Salaku bau tanda nanyasanmo. Iwi-iwi' na mian tionyo ahi' balado'a totu-totu'u hi Tumpu. Aha tionyo ahi' mombabali'imo kalakuan nu aha anu ma'idek ka' palabuatan nu aha anu kahomo dosa'.

ZEFANYA 3:7

Aku bapikin, ‘Uuka aiya tantu mian-Ku anu pinalesayamo moholomatimo Aku ka' mompajulimo iwi-iwi' na pokinde'-Ku. Tantu aha monginau'mo pangajalan anu binee'-Kumo hi aha.’ Panyo taalu' aha ola mule' lebe ahi' mombau anu ma'idek lebemo molingkudui anu u'utu mae.

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!