AYUB 34:9 - KITAB NU TUMPU ALLA LELE MA'IMAI'

⁹ Ia nontaloakon, tukoonyo ola palasuma de ia ko gia' mombau pongka'oho' nu Tumpu Allah.

AYUB 34:9 ပူးပေါင်းရင်းမြစ်များ

AYUB 21:30

Koonyo nu aha, “De tokamo na tempo'nyo Tumpu Allah mombee'imo hukuman, to mia-mian anu ma'idek na kinyonyoanyo oposalamatmo.”

AYUB 22:17

Ahamo aijo' na anu baani hondo madi' palesaya hi Anu Daka' hondo na kuasanyo, ka' monsangka Ia madi' moko ala mombau apa-apaa hi aha.

AYUB 22:3

Kabai pa' kogunanyo hi Tumpu Allah, de beleyum mombau apaa na koonyo nu Tumpu Allah? Kabai ko untungnyo hi Ia, de kantumuu'an nu beleyum talakana'?

AYUB 27:10

Sabenannyo ia saja' ahi' mongindi kasanangan anu lengkat mae hi Tumpu Allah, ka' balado'a hi Ia boli ma'osa.

AYUB 35:3

Beleyum sala'mo de mompokilawa, dosa' nu beleyum monsaduakonmo apaa hi Ia; ka' ka'untungan apaa na nuhumpak nu beleyum, de beleyum madi' nombau dosa'.

MAZMUR 37:4

Lio na kantumuu' anu ma'ima' nu beleyum hi Tumpu, Ia na mompopuas saidi' mae apaa na anu nu kahanda'i nu kinyonyoa nu beleyum.

MAZMUR 50:18

De beleyum montoamo samian anu biasa mombuling, beleyum montihomo ia, ka' beleyum mogandi-gandimo tiba to mia-mian anu saja' masala'.

MAZMUR 73:13

Ola palansuma' na aku monjagai kinyonyoangku da belesi'; madi' kogunanyo na aku mompimpali dosa'.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?