AYUB 34:8 - KITAB NU TUMPU ALLA LELE MA'IMAI'

⁸ Ia mongka'ima'imo lewa' mosangalu tiba mian anu palaganta, ka' lewamo mogandi-gandi tiba mian anu madi' talakana.

AYUB 34:8 ပူးပေါင်းရင်းမြစ်များ

AYUB 11:3

O Ayub, pa' koonyo nu beleyum kami madi' moko ala montaami beleyum? Pa' koonyo nu beleyum ola ohokotakon mami na beleyum moween mae kami?

AYUB 15:5

Potatae nu beleyum atina' timbalimo sa'angu' na bukuti' saba' beleyum memang ahi' sala', panyo kalakuan nu beleyum anu ma'idek atina' nu kulubi nu potatae nu beleyum anu toto ima-ima'.

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

AYUB 22:15

Jadi beleyum sabole-bolemo motululu, i jalan anu pinile'anmo nu to mia-mian anu ma'idek na kinyonyoanyo?

AYUB 34:9

Ia nontaloakon, tukoonyo ola palasuma de ia ko gia' mombau pongka'oho' nu Tumpu Allah.

MAZMUR 1:1

Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

MAZMUR 26:4

Aku madi' mongka'oho' maninggalum tiba anu saja' mongakali, kabai mogandi-gandian tiba mian nu tageo' na kinyonyoanyo.

MAZMUR 50:18

De beleyum montoamo samian anu biasa mombuling, beleyum montihomo ia, ka' beleyum mogandi-gandimo tiba to mia-mian anu saja' masala'.

AMSAL 1:15

Boli mombatuki to mia-mian anu susumo aijo' o anakku! Boli osasuhi na aha.

AMSAL 13:20

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

AMSAL 2:12

ka' montewa' beleyum da boli montiho kantumuu'an anu madi' ma'ima' ka' mule' mompojo'on butong nu beleyum da madi' nulelei nu to mia-mian anu saja' monsisik anu ma'idek.

AMSAL 4:14

Boli montuluti mosia na kantumuu'an nu mian anu ma'idek na kinyonyoanyo, ka' boli montiho palabuatan nu aha.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.