AYUB 34:29 - KITAB NU TUMPU ALLA LELE MA'IMAI'

²⁹ De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

AYUB 34:29 ပူးပေါင်းရင်းမြစ်များ

2 SAMUEL 7:1

Tumpu saja' monjagai i Tomundo' Daud da boli nu poposia nu sampo bali'nyo iwi-iwi' sahingga ia noko ala tinataap na jinojoong i laigan nu tomundo' anu aijo' kaka jojoongannyo.

2 TAWARIKH 20:30

Mokonyo aijo' madi'mo nabuhuk na i Yosafat nompalentah, ka' binalakatanmo nu Tumpu nu kadamean na ia i songko-songko na lipu'.

AYUB 12:14

Apaa na anu Nu tatakimo madi'mo daagi' opoko ala obau, ihe na anu i hakop-Nyomo madi'mo po'ule' opolapas.

AYUB 23:13

Tumpu Allah aijo' madi' mongabali'; madi' ko anu moko ala mongewa Ia. Ia moko ala mombau apaa na anu Nu ka'ima'imo, ka' nu tuka'mo.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

AYUB 34:30

Jadi iwi-iwi' na bansa madi' moko ala montewa' kakuasa'an i han anu ma'idek ka' talalomo hondo monsansalai.

MAZMUR 13:1

Anu mongkapalai panyanyi. Mazmur i Daud.

MAZMUR 143:7

Sampa mae taami na aku, o, Tumpu, kalana madi'mo daagi' ko anu ku taha'imani. Boli maninsuluk dumo madi' ku toa, da boli aku susumo mian anu nintatau'mo i dunia nu mian anu sinilakamo.

MAZMUR 27:9

boli matisuluk dumo madi' ku toa.” Boli motambuha' ka' mongka'idekimo mae posaihon nu Belento aiya, kalana Belentomo na anu nontulungimo mae aku. Boli mongalin aku kabai mompala'imo mae aku, O Tumpu, anu nomposalamatmo aku.

MAZMUR 30:7

Salatan ku oa'i madi'mo ko anu lewa' mae mompoposia, aku notataemo, “Aku madi' opoko ala ohungku'i!”

MAZMUR 94:10

Ia na nompogulu' to bansa-bansa, iya mule' na Ia madi' mohukum? Ia na binau gulu' nu mian iwi-iwi', iya mule' na Ia madi' monsumbu' kapandean?

MAZMUR 94:13

Pinosabanmo nu Belento na ia da madi' ko anu mompoposia i sinaa anu manjoo' hondo na balaa'nyo, sahingga okekemo na bolo' bau pohakop mian anu ma'idek na kinyonyoanyo.

NOSABATMO 33:14

Tumpu notatae, “Belemiu Ku jagaije da mohumpak tano' anu jinanji'-Kumo.”

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 32:17

Batu-batu mian mombaumo palabuatan anu totu'u sahingga daagi'mo ko kantumuu'an ma'ima' ka' madi'mo ko anu mombau kahengge'an sampe toka sidu-sidutu'.

YEREMIA 27:8

Bansa kabai kalaja'an anu madi' ka'oho tondu' hi Nebukadnezar saidi' mae Ku hukumo nu pahampatean, kasusa'an i anu okaan, tiba panyakit anu molele, sampe bansa aijo' ahennyo tondu'mo hi ia.

YEHEZKIEL 34:15

Posi Akumo na timbali polaya' nu to domba-dombang-Ku ka' mompo sadiakon tampat da bau pilawean nu aha; Aku, Tumpu Anu Matangkas na Kuasanyo no tataemo.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.