AYUB 34:27 - KITAB NU TUMPU ALLA LELE MA'IMAI'

²⁷ Kalana aha madi' montuluti pongka'oho'-Nyo ka' madi' mompajuli iwi-iwi' apaa na anu pinalentahkon-Nyomo.

AYUB 34:27 ပူးပေါင်းရင်းမြစ်များ

AYUB 21:14

Padahan notataemo na aha hi Tumpu Allah, “Pala'imo na kami ka' bolimo mae mati ohani! Kami madi'mo mongka'ima'i da monsumbu' kahanda' ka' pongka'oho' nu Belento i uno nu kantumuu'an mami.”

MAZMUR 107:43

O'amalakon da mian anu pande mompotutugakon iwi-iwi' aijo' ka' mongakui tukoonyo Tumpu sabole-boleh mongkalibosi.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 28:5

Aha madi' mompajuli palabuatan nu Tumpu, kabai pa' apaa na anu binau-Nyomo. Sahingga ihukum-Nyomo na aha ka' nonsilakaimo aha sampe toka sidu-sidutu'.

AMSAL 15:10

Mian anu mombau palabuatan anu ma'idek saidi mae osakisa; mian anu madi' timbali otewa' saidi' mae silaka.

YESAYA 1:28

Panyo aha to mia-mian anu baladosa' anu saja' motomuhuk hi Ia na opateimo ahi'.

YESAYA 1:3

Sapi' monsumbu' tumpunyo, keledai nusumbu' na pongkaanannyo anu saja' nuposadia nu tumpunyo. Panyo mian-Ku Israel anu palesayamo madi'mo aha madi' monsumbu'.”

YESAYA 5:12

I bau-bauon nu belemiu ko onyi' nu kasapi', gambus, gandang ka' mule' puloit ka' mule' inumon anggur. Panyo belemiu madi' mompajuli apaa na anu kinalajamo nu Tumpu tiba anu binau-Nyomo.

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

SISIKON NU TO RASUL-RASUL 15:38

panyo i Paulus mongoa'i madi' ma'ima' na momboa i Markus, anu madi' mongka'oho' mokalaja hingga-hinggat tiba aha ka' nompala'imo aha kiijo' mae i Pamfilia.

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.