AYUB 34:22 - KITAB NU TUMPU ALLA LELE MA'IMAI'

²² Madi' ko anu pintung, maumo ahi' pikat taha-tahahumo, anu timbali moko ala momposuluk miana nu baladosa'.

AYUB 34:22 ပူးပေါင်းရင်းမြစ်များ

2 SAMUEL 12:12

Pinohuwini nu beleyum na nombau dosa', panyo Ku potoamo na ka'idekan nu kinyonyoang-Ku da nu toa nu mian Israel iwi-iwi'.’ ”

AYUB 10:14

Nu jagai na aku dumo mamanga mombaumo kasala'an, da madi' nu bee'nu Belento na ka'ampunan.

AYUB 10:21

Madi'mo pin aku mambamo ka' madi'mo minsusule' mae, mambamo i lipu' anu pikat hondo, ka' talalo hondo liing.

AYUB 11:20

Panyo mian anu ma'idek na kalakuannyo montoa ia masakit na ubaknyo, kalana hi aha madi' ko anu montulungi. Me sa'a-sa'angu'nyo na anu nutaha'imani nu aha aijo'mo da ukun sampamo mae toka.”

AYUB 12:22

Jiningkan-Nyomo na tampat-tampat anu madi' talalo majingka; jiningkan-Nyomo na anu pikat hondo.

AYUB 22:13

Panyo pinokilawa nu beleyum, “Te ia apaa naanu pisumbu-sumbu'? Ia kiita' mae i sambiha' nu kundom jadi madi' ahi' moko ala mongulus palakalanto.”

AYUB 24:17

Hi ia de subumo nu kabuhuk hondo, panyo anu talalo hondo pikat aijo' na nu ka'ima'i hondo.”

AYUB 3:13

De maluannyo tempo'nyo aijo' aku sinilakamo, sahingga aku i hoyotmo ka' ningkainmo,

AYUB 3:5

Potimbalimo na sinaa aijo' mo'itom totu-totu'u, pikat taha-tahahumo, madi'mo ko anu otoa-toa; saputmo nu kundom ka' mombun anu kahando'mo ujan pense'akon mae nu jingka anu majingka hondo.

AYUB 31:3

Balaa' ka' kalugi'an tionyo ahi' Nupotokamo mae hi mian anu nombaumo kalakuan anu ma'idek!

AYUB 38:17

Pa' toho'mo mian nompotoa hi beleyum sabatan daka' i ahop nu dunia nu mian anu sinilakamo anu pikat hondo?

MAZMUR 5:5

Belento Tumpu anu madi' mongka'ima'i hahan kalakuan anu ma'idek; mian anu ma'idek na kinyonyoanyo madi' timbali singkabot tiba Belento.

AMSAL 10:29

Tumpu monjagai mian anu madi' tageo' na kinyonyoanyo; panyo monsilakai mian anu mombau anu ma'idek.

YESAYA 29:15

Silakamo na mian anu bala'usaha momposuluk tanga'annyo anu nolengkat mae hi Tumpu! Aha balabuat aijo' hoko-hokot ka' monsangka tukoonyo madi' ko samian anu montoa kabai monsumbu' apaa na anu binaumo nu aha.

YESAYA 9:2

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

LUKAS 13:27

Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.