AYUB 34:21 - KITAB NU TUMPU ALLA LELE MA'IMAI'

²¹ Kantumuu'an nu manusia ia na monjagai Nutoa iwi-iwi' na kolangka-langkas nu manusia.

AYUB 34:21 ပူးပေါင်းရင်းမြစ်များ

KAJADIAN 16:13

I Hagar nompotutugakonmo i uno nu kinyonyoanyo, “Pa' totu'u na aku montoamo Tumpu Allah anu mompalahatikan mae kantumuu'anku?” Sahingga ia nonsanggomo Tumpu anu notataemo mae hi ia, “O Tumpu Allah anu Mompalahatikan mae Kantumuu'anku”.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

AYUB 10:4

Pikilan nu Belento madi' pokakana tiba pikilan nu manusia

AYUB 11:11

Nusumbu' hondo nu Tumpu Allah na mian anu baleko'; anu ma'idek na nubau nu aha madi' ka' madi' nutoa ahi' nu mata-Nyo.

AYUB 13:16

Ihe na monsumbu' kalana aku baani sumo aijo' aku salamat, kalana mian anu ma'idek na kinyonyoanyo madi' baani na mangadap hi Tumpu Allah!

AYUB 14:16

Lantas pa' moya na palalangkasanku saja' nujagai nu Belento, panyo madi'mo lewa' nu'inau' nu Belento na dosa'ku.

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

AYUB 31:4

Tantu nusumbu' nu Tumpu Allah na anu binaungkumo iwi-iwi'; kolangka-langkasku iwi-iwi' tinoa-Nyomo.

MAZMUR 139:23

Selidiki mae na aku o, Tumpu, ka' palesa mae na kinyonyoangku, uji' mae na aku ka' sumbu' mae na pikilanku.

MAZMUR 33:15

Iamo na nombontuk kinyonyoa nu manusia, ka' monsumbu' iwi-iwi' palabuatan nu aha.

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

AMSAL 5:21

Tumpu montoa apa-apaa na anu binau mo nu manusia. Maumo mamba moya na manusia, Tumpu mompopiakon.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

AMOS 9:8

Akumo na Tumpu Anu Matangkas na Kuasanyo nompalahatikanmo kalaja'an nu Israel anu binaladosa'mo aiya, ka' Aku mohopu'imo aha i dunia aiya. Panyo tulunan i Yakub madi' iwi-iwi'mo na Ku hopu'i. Aku, Tumpu na notataemo.