AYUB 34:19 - KITAB NU TUMPU ALLA LELE MA'IMAI'

¹⁹ Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

AYUB 34:19 ပူးပေါင်းရင်းမြစ်များ

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 10:3

Apaa na ka'untunganyo de belento monsansalamo mae sumo aiya, ka' mongalinmo anu binaumo nu belento? Apaa na ka'untungannyo de belento montinjohi pikilan ka' tanga'an nu to mia-mian anu ma'idek na kinyonyoanyo?

AYUB 12:19

madi'mo pinajuliannyo na to ima-imam ka' to pola-polaya' nu aha.

AYUB 12:21

Pinopo'ambang-Nyomo na mian anu talasanggo; ingala-Nyomo na kakuasa'an nu aha anu bala kuasa.

AYUB 13:10

De belemiu matisangalu, maumo opohowini, belemiu nu hukum nu Tumpu Allah ma'idek hondo.

AYUB 13:8

Pa' timbali na belemiu matisangalu hi Tumpu Allah, ka' mompototu'u Ia salaku anu montinjohi Ia?

AYUB 31:15

Te misa' Tumpu Allah ahi' na nompotimbalimo aku, ka' suele nompotimbalimo to posa-posaihonku?

AYUB 32:21

Madi' ko anu ku tinjohi maumo pa' ihe na aha anu painggaga aijo' ka' madi' ko anu lewa' ku puji'.

AYUB 34:18

Tumpu Allah mohukum tomundo ka' anu ko kuasanyo, de aha mombau anu ma'idek ka' palaganta.

AYUB 36:19

Ola palasuma na beleyum momoita tulung da otulungi, madi' kogunanyo na usaha ka' kahosonan anu ginunakonmo nu beleyum.

NOSABATMO 30:15

Mian kaya madi' timbali mombayan molabi, ka' mian kasiasi madi' timbali mombayan madi' sampa', de aha mombayanmo doi bau pontobus butongnyo.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 22:2

Mian kaya ka' mian anu kasiasi daagi ko sa'angu' na han anu pokakana: Tumpu na anu nompotimbali aha iwi-iwi'.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

ROMA 2:11

Kalana Tumpu mompoposia iwi-iwi' mian pokakana.

1 KORINTUS 1:28

Tumpu nompile'imo anu osangka madi' ko angga'nyo, kanteles, ka' pakalaus anu osangka madi' ko kaliangannyo nu dunia aiya, da Tumpu mohopu'i anu osangka nu dunia penting.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

EFESUS 6:9

To Utu-utus anu tinimbalimo tuan! Tionyo ahi' komiu montiho sumo aijo' suele kona hi to posa-posaihon. Boli talalo masigo. Jaga saba' komiu ka' to posa-posaihon miu haha aijo' hingga-hinggat daagi' ko sa'angu' na bagi tumpuan, aijo'mo Tumpu anu i suluga'. Ia madi' montoa ohup nu mian.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.