AYUB 34:12 - KITAB NU TUMPU ALLA LELE MA'IMAI'

¹² Tumpu Allah Anu Daka na kuasanyo madi' mombau anu ma'idek; iwi-iwi' na mian Nu bee'i ka'adilan.

AYUB 34:12 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

AYUB 34:10

O to mia-mian anu pande, potombihing mae! Te toho' mule' Anu Daka' na kuasanyo mombau kasala'an?

AYUB 36:23

Ihe na anu moko ala mompotiju' jalan hi Ia? kabai baani na mompisala'i ia? Nombaumo kasalaan?

AYUB 8:3

Tumpu Allah madi' toho' monggeo-geo'akon ka'adinan; madi' toho' mahungku' na montinjohakon kahondoan.

MAZMUR 11:7

Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.