AYUB 33:23 - KITAB NU TUMPU ALLA LELE MA'IMAI'

²³ Samadala na malaikat nu Tumpu Allah, ugaat samian, na mompotuka' hi manusia apaa na kalajanyo, anu saidi' toka mae montulungi ia.

AYUB 33:23 ပူးပေါင်းရင်းမြစ်များ

KAJADIAN 40:8

Tinaaman nu aha, “Na'utu pihi-pihi kami nongipimo, ka' madi' ko anu monsumbu' alati'nyo.” Notatae na i Yusuf, “Ola Tumpu Allah na moko ala mompotimbali mian mompoto'i alati'nyo nu ipion. Soba sisik na ipion nu belemiu aijo'.”

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

AYUB 11:6

Ka' o'amalakon da nupotoaje nu Tumpu Allah hi beleyum, kalana kapandean aijo' manjoo' na ngangahannyo, ka' madi' opoko ala nusumbu' nu manusia. Sahingga mangalati'mo ahi' na beleyum saba' kasansala'an nu beleyum atina' ma'isa pe'e sangkuka, de opokakanakon tiba hukuman anu memang konanyomo na nu talima nu beleyum.

AYUB 34:10

O to mia-mian anu pande, potombihing mae! Te toho' mule' Anu Daka' na kuasanyo mombau kasala'an?

AYUB 34:12

Tumpu Allah Anu Daka na kuasanyo madi' mombau anu ma'idek; iwi-iwi' na mian Nu bee'i ka'adilan.

AYUB 34:32

Pinoitamo nu beleyum da Nupoto'i mae na kasala'an nu beleyum? Binasumpa'mo na beleyum madi'mo mombau kalakuan anu susumo atina'?

AYUB 35:14

O Ayub, pakaluas mule' de beleyum motatae tukooyum beleyum madi' nontoa Ia, saba' han anu atina' hi beleyum hau-haunyomo i ahop-Nyo ka' beleyum montanda'imo Ia!

AYUB 36:3

Anu ku sumbu' manjoo' hondo; jadi ku gunakonmo na han aijo' da bau pomponyata' saba' adin hondo na anu Nompodaagi'mo aku.

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 9:3

Samadala na han anu opokilawa nu Tumpu Allah, mau pe'e ola sa'angu' madi' nu poko ala nu taami nu manusia.

AYUB 9:33

Panyo hi kami ua'aha aiya madi' ko mian kopian anu timbali mongulus ua kami aiya.

MAZMUR 119:75

Ku sumbu' na kaputusan nu Belento adin o, Tumpu, Belento nohukumo mae aku kalana Belento nongkanonongi mae.

MAZMUR 94:12

Mohumpak kantumuu'an ma'ima' na mian anu lewa'mo pinokinde'an nu Belento, o, Tumpu, mian anu lewa'mo pinogulu' atulan nu Belento iwi-iwi'.

ANU MOMPOLELE POTATAE NU TUMPU 7:28

Daagi sabole-bole kulio na pontaaminyo sangga'at, panyo madi' kino hasinnyo. Hi aha aijo' anu samadala na mian i humpaku ola samian na mo'ane ku holomati. Panyo hi aha aijo' madi' ko boune anu timbali ku angga'i.

YESAYA 59:16

Ia binangangmo kalana madi'mo ko anu tinolo aiha' ka' madi'mo ko anu nonsangaja'i. Sahingga nosi alamo kuasa-Nyo na Ia da momposalamatmo ka' mombee'imo aha kamenangan.

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

HAGAI 1:13

Lantas pinotokamo i Hagai hi mian da'isan na potuunon nu Tumpu tukoonyo, Hagai Tumpu binalajanji'mo monjagai aha.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

SISIKON NU TO RASUL-RASUL 8:30

Sahingga i Filipus namba nongohani kasake'an aijo', lantas ia nohongo mian aijo' mombasa' Kitab Nabi Yesaya. I Filipus nompokilawa hi ia, “Apaa Kita Tuan mangalati' i anu o basa' nu Kita Tuan aijo'?”

ROMA 11:13

Panyo uuka aiya lebe ma'ima' aku basisik hi to Utu-utus anu misa' Yahudi! Sapinnyo uuka, salaku Rasul hi to bansa-bansa anu misa' Yahudi, aku talalo hondo mongangga'i kalajangku.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.