AYUB 33:19 - KITAB NU TUMPU ALLA LELE MA'IMAI'

¹⁹ Tumpu Allah nompokinde'i salaku mompisala'i aijo'mo pinotoka-Nyomo mae na panyakit, sahingga butongnyo nasakitmo songko-songko.

AYUB 33:19 ပူးပေါင်းရင်းမြစ်များ

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

2 TAWARIKH 16:12

I taun kino tolumpulu'nyomo ka' osio' na i Asa nompalentah ia kinonamo nu panyakit anu mahan hondo i tengkenyo ua-uambiha'. Maumo sumo aijo' ia madi'mo nomoita tulung hi Tumpu, panyo ola ahi' hi dokoten.

AYUB 20:11

Maumo ia ma'isa langkai' ka' daagi' mahoson, panyo sasaidi' uuka ia timbalimo abu'.

AYUB 29:17

Panyo kakuasa'an nu mian anu singgi na kinyonyoa, i hungku'ankumo, ilugi'an mo nu aha ka' anu sinilakamo na aha pinosalamatkumo.

AYUB 30:17

De pihimo bukungku iwi-iwi' umuntukmo; untuk anu taha-tahahumo madi'mo ko kamingkotannyo.

AYUB 7:4

De aku lako'mo hoyot, ku oa'i pihi madi'mo sampa mopatas; gagalanku sampamo bete' na sinaa, madi' sanang na kinyonyoangku de aku male'mo.

MAZMUR 119:67

Ma'isa aku i hukum, aku noselemo madi'mo nontuluti palentah nu Belento, uuka aiya aku nontoongimo palentah nu Belento.

MAZMUR 119:71

Memang sahanyo Belento mohukumo mae aku, da ku sumbu' na atulan iwi-iwi' nu Belento.

MAZMUR 73:14

Kalana sansina-sinaa aku saja' nu tokai mae nu balaa'; de subu-subumo aku osakisamo.

MAZMUR 94:12

Mohumpak kantumuu'an ma'ima' na mian anu lewa'mo pinokinde'an nu Belento, o, Tumpu, mian anu lewa'mo pinogulu' atulan nu Belento iwi-iwi'.

ANU MOMPOLELE POTATAE NU TUMPU 8:6

Iwi-iwi na apa-apaa ko tempo'nyo ka' ko posi atulannyo pa' mosia na mongatun; panyo ola sangkiding hondo na opoko ala osumbu'to!

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

PO'ULE' INGULIT 8:5

O inau' ahi' kalana Tumpu Allah nu belemiu nongajanmo belemiu susumo samian na tuuma nongajanmo to ana-anaknyo.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.