AYUB 33:18 - KITAB NU TUMPU ALLA LELE MA'IMAI'

¹⁸ Madi' Ia mompojohok aha da mongoa'i kapatean; Nujagai na aha da boli silaka.

AYUB 33:18 ပူးပေါင်းရင်းမြစ်များ

AYUB 15:22

Ia madi'mo ko popalaiannyo da monggoliliakon kantumuu'an anu pinintungmo, kalana bajak anu mompatei nololoi'mo ia maumo pa' moya na ia.

AYUB 33:17

Ia mongkahanda'i da aha bolimo mombau dosa' ka' bolimo lewa' mombuulakon butong nu aha, ka' bolimo nubau nu aha.

AYUB 33:22

Ia malia'mo minsusule' i kajojoongan sampetoka sidu-sidutu', dunia kajojoongan nu mian anu silakamo ohanimo hi ia.

AYUB 33:24

Molibos hondo na malaikat aijo' kalana aitu ia notatae, ‘Polapasakonmo na ia, madi' timbali ia mintatau' i dunia nu mian anu silakamo. Aiya na doi bau pontokong, da ia po'ule' pe'e bebas.’

AYUB 33:28

Tumpu Allah na nontewa' aku boli mamba i dunia nu mian anu silakamo sahingga aku daagi' tinumuu' sampe uuka aiya.

AYUB 33:30

da manusia timbali nuposalamat nu Tumpu Allah ka' mombee'i kabilahian i uno nu kantumuu'annyo nu manusia.

AYUB 36:12

Panyo de aha madi' mompotombihing, aha silakamo i uno nu kaponga'an.

YOËL 2:8

Aha madi' mompaha genso-gensot posi-posi jalan i ahop na kalajangan nu aha. Hingga-hinggat na aha nontumbalakonmo iwi-iwi na benteng nu aha, madi' timbali balisa nu aha opobelenti.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

2 PETRUS 3:15

Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.