AYUB 33:16 - KITAB NU TUMPU ALLA LELE MA'IMAI'

¹⁶ Pinokaumo nu Tumpu Allah na aha da mompotombihing; pinotolokengkeng-Nyomo na aha nu pokinde', mompisala'i.

AYUB 33:16 ပူးပေါင်းရင်းမြစ်များ

2 SAMUEL 7:27

O, Tumpu Anu Daka' na kakuasa'an! Pinobaaningkumo na butongku mompotoka do'angku aiya hi belento kalana belento nompoto'imo hi belengku tukoonto makumpungku molapi-lapis na lee' nu aha saja' opotimbali nu belento Tumpu tomundo' hi bansa aiya.

NEHEMIA 9:38

Kalana hahan anu jinadimo aijo', kami mian da'isan aha Israel nombaumo palajanjian totu-totu'u ka' mule' palajanjian aijo' tinulismo ka' sinapmo nu aha to pola-polaya' mami, to mia-mian nu aha Lewi ka' samian na imam mami.

AYUB 33:17

Ia mongkahanda'i da aha bolimo mombau dosa' ka' bolimo lewa' mombuulakon butong nu aha, ka' bolimo nubau nu aha.

AYUB 36:10

Pinokaunyomo na aha da mompotombihing pokinde'-Nyo ka' mompala'imo kalakuan anu ma'idek na aha.

AYUB 36:15

Tumpu Allah mompokinde'i manusia mompake jalan aijo'mo Ia nombee'imo kasansala'an. kasusa'an na ginunakon-Nyo da bau pomposinsumbu' nusia.

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

DANIEL 2:19

Pihi-pihi aijo' suele Tumpu nompoto'imo lahasia aijo' hi Daniel i sa'angu' na han anu tinoa. Sahingga i Daniel nompuji'mo Tumpu kiita i suluga,

MATIUS 2:12

Tumpu nompokinde'i hi aha i uno nu ipion da boli minsusule' hi Herodes. Jadi aha ninsusule'mo nontului jalan sangga'atan.

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

SISIKON NU TO RASUL-RASUL 16:14

Samian anu lengkat aijo' hi aha, aijo'mo na anu lewa' mompobaluk hude mingkamumu', sanggonyo i Lidia nolengkat mae i Tiatira. Ia mongkalibosi Tumpu, sahingga Tumpu nohenggoakon kinyonyoanyo da ia montalima apaa na anu no ajanakon i Paulus hi ia.

ROMA 15:28

De kupoko baumo na kalajangku aiya, ka' mombee'mo hi aha kiijo' mae i Yerusalem, pontulungi anu ilimu'mo aijo', saba' aku mambaje i lipu' Spanyol motulu i kota komiu.