AYUB 33:13 - KITAB NU TUMPU ALLA LELE MA'IMAI'

¹³ Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

AYUB 33:13 ပူးပေါင်းရင်းမြစ်များ

AYUB 10:2

O Tumpu Allah, bolimo nupisala'i mae Nu belento na aku; potalangakonmo mae kadaka' aku Nu ewamo mae nu Belento.

AYUB 10:6

Desumo aijo', kadaka' pagalamo nu selidiki nu Belento na dosa'ku iwi-iwi'? kadaka' sabole-bolemo nulio nu Belento na kasala'anku?

AYUB 11:7

Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 9:12

De ia na mongagoi, ihe na baani montewa' Ia, kabai baani mompokilawa hi Ia, “E, apaa na Nu bau?”

AYUB 9:14

Jadi, mosiamo ahi'na aku monggagakon Ia? Pa' potataemo apaa na bau pontaamingku Ia?

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YEREMIA 50:24

Tumpu notatae, “O, Babel, beleyum nongewamo Aku, kalana aijo' beleyum tinongkonamo iso'o anu pinokonang-Ku ponso'o beleyum panyo beleyum madi' ahi' nangalati'.

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

SISIKON NU TO RASUL-RASUL 1:7

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

ROMA 11:34

I uno nu Kitab nu Tumpu tinulismo sumo uuka, “Ihe na moko sumbu' pikilan nu Tumpu? Ihe na timbali mombee'i pokinde' hi Ia?

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 29:29

Daagi' ko to pia-piangkuka na han na anu pinohowini nu Tumpu Allah-nto, panyo atulan-Nyo pinoto'i-Nyomo hi kita, ka' kita tiba lee'to tionyo ahi' montuluti sampe toka sidu-sidutu'.”