AYUB 33:12 - KITAB NU TUMPU ALLA LELE MA'IMAI'

¹² O, Ayub, pikilan nu beleyum atina' sala' iwi-iwi'! Kalana Tumpu Allah ahi' na lebe daka' molingkudui manusia.

AYUB 33:12 ပူးပေါင်းရင်းမြစ်များ

AYUB 1:22

Jadi, maumo i Ayub nongoa'imo iwi-iwi' na balaa' susumo aijo', ia madi' nombau dosa' ka' madi' nompisala'i Tumpu Allah.

AYUB 11:6

Ka' o'amalakon da nupotoaje nu Tumpu Allah hi beleyum, kalana kapandean aijo' manjoo' na ngangahannyo, ka' madi' opoko ala nusumbu' nu manusia. Sahingga mangalati'mo ahi' na beleyum saba' kasansala'an nu beleyum atina' ma'isa pe'e sangkuka, de opokakanakon tiba hukuman anu memang konanyomo na nu talima nu beleyum.

AYUB 11:7

Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 11:9

Kuasa nu Tumpu Allah na lebe ewa molingkudui ewa nu dunia, ka' lebe bolaa molingkudui bolaanyo nu ndalangon.

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

AYUB 32:17

Madi', uuka aiya ku taamimo; apaa na anu uutu ku tutugi, ku poto'imo.

AYUB 34:23

Madi' palalu na Tumpu Allah mompatikolo tempo'nyo, manusia na tokamo mae da Nu bee'i kaputusan.

AYUB 35:4

Akumo na montaami beleyum ka' mule' hi to sanga-sangalu nu beleyum.

AYUB 36:5

Tumpu Allah aijo' daka' hondo na kuasanyo! Iwi-iwi' timbali Nu sumbu'. Madi' ko samian na anu Nutoa madi' kokaliangannyo.

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.

YEHEZKIEL 18:25

Ugaat daagi' ko anu motatae sumo uuka, ‘Hukuman nu Tumpu aijo' madi' totu'u.’ Potombihing mae, o, mian nu Israel! Te madi' mule' totu'u na hukuman anu binee'-Kumo aijo'? Belemiu ahi' na anu madi' totu'u.