AYUB 32:8 - KITAB NU TUMPU ALLA LELE MA'IMAI'

⁸ Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

AYUB 32:8 ပူးပေါင်းရင်းမြစ်များ

KAJADIAN 41:38

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

KAJADIAN 41:39

Sahingga i tomundo notataemo hi Yusuf, “Tumpu Allah nompoto'imo iwi-iwi' aiya hi beleyum, jadi nanasamo beleyum lebe pande ka' monsumbu' mongatun molingkudui mau mule' pa' ihe.

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 4:29

Tumpu Allah nombee'imo kapandean hi Salomo ka' pikilan anu matangkas hondo, ka' moko ala mompotutugakon anu mahan

1 TOMU-TOMUNDO' 5:9

To mia-miankuje na momboa kau' haha aijo' otudunakon lengkat mae i Libanon mokaiyong i ambai. I kiijo' batang nu kau' haha aijo' nu botokje nu aha susumo aki'an ka' oloyoje nu aha monduhuk bone' mamba i tampat anu pinoto'imo nu belento Tuan. Toka i kiijo' aki'an haha aijo' o tatakije ka' obee' hi to mia-mian nu belento Tuan na molausakon pakalaja'an aijo'. Ola ahi' belento Tuan ku poita da belento Tuan montoukai anu o kaan nu to mia-mian anu mokalaja hi belengku i laigan nu tomundo'.”

AYUB 12:16

Tumpu Allah aijo' mahoson, madi' opoko ala ohungku'i ka' talasanggo! Anu saja' mongakali ka' anu ingakalanmo mati aluk i kakuasa'an-Nyo.

AYUB 27:3

aku basumpa': De daagi' Tumpu Allah mombee'i aku nyawa, de daagi' ko nyawa i uno nu butongku,

AYUB 33:16

Pinokaumo nu Tumpu Allah na aha da mompotombihing; pinotolokengkeng-Nyomo na aha nu pokinde', mompisala'i.

AYUB 33:4

Roh nu Tumpu Allah na nompotimbalimo aku ka' nombee'imo kantumuu'an hi belengku.

AYUB 35:11

ka' anu mombee'i manusia kapandean bapikin molingkudui tomonsi' ka' binatang i dunia aiya.

AYUB 38:36

Hi he na pinonsumbu'an nu tomonsi' ibis, Kaunyo nu Nil mosawe'mo? Ihe na nompoto'i hi laki nu manuk tukoonyo ujan tudunmo?

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

AMSAL 20:27

Kinyonyoa nu manusia sumomo jingka anu lengkat mae hi Tumpu. Anu monjingkai songko-songko na kinyonyoa.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

YESAYA 28:26

Nu sumbu' mosia na mokalaja kalana ingajanmo nu Tumpunyo.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

2 TIMOTIUS 3:16

Iwi-iwi' anu tinulismo i uno nu Kitab nu Tumpu anu binee'mo nu Tumpu da ogunakon mongajan anu totu'u, da mompokinde'i ka' mompoko'ima'i anu sala', ka' mongajan mian da tumuu' montuluti pongka'oho' nu Tumpu.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.