AYUB 31:6 - KITAB NU TUMPU ALLA LELE MA'IMAI'

⁶ De timbali da Tumpu Allah montimbang aku i timbangan anu sahondo-hondonyo, da Nusumbu'je na aku taalu' madi' ko kasala'an.

AYUB 31:6 ပူးပေါင်းရင်းမြစ်များ

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 6:3

Mokonyo aitu, bolimo okatalanggangakon de potataengku madi' talalo opotutugakon ka' mule' talalo ko sia-sia'.

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 139:23

Selidiki mae na aku o, Tumpu, ka' palesa mae na kinyonyoangku, uji' mae na aku ka' sumbu' mae na pikilanku.

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

AMSAL 16:11

Tumpu mongkahanda'i mian anu madi' tageo' na kinyonyoanyo ihan badagang; ka' mule' monggunakon timbangan ka' ihan monsukat.

AMSAL 21:2

Batu-batu palabuatan nu mian, de ia na mosi oa'i tantu koonyo aijo' maima', panyo Tumpu na anu monsumbu' isi nu kinyonyoanyo.

YESAYA 26:7

Mian anu madi' tageo' na kinyonyoanyo lumajang ijalan anu hodi', kalana Belento Tumpu na nombuka' jalan momona hi ia.

DANIEL 5:27

tinimbang, belento Tuanku tinimbangmo ka' sinumbu'mo madi'mo tinalakana';

MIKHA 6:11

Te Aku mongampuni mian anu mompake timbangan anu madi' totu'u?

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.