AYUB 31:28 - KITAB NU TUMPU ALLA LELE MA'IMAI'

²⁸ Dosa' anu susumo aijo' konanyomo na mohumpak hukuman opatei, kalana madi'mo montapali Tumpu Allah Anu Daka' na kuasanyo.

AYUB 31:28 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

2 SAMUEL 3:32

I Abner ilamunmo kiijo' i Hebron, ka' i tomundo' tiba iwi-iwi' na mian anu nu palentah nohaangimo ka' nontando'imo i ahop nu pinolamunan.

AYUB 23:7

Aku madi' ko kasala'an jadi timbali ahi' mompototu'u butongku i ahop-Nyo, jadi aku nu poto'imo mae madi'mo mohumpak hukuman sampe toka sidu-sidutu'.

AYUB 31:11

De dosa' anu mahumimi' aijo' binaungkumo aku pantasmo na montalima hukuman.

AYUB 31:27

Madi' toho' aku taha-tahahumo na kinyonyoangku mongka'ima'i ia, kabai ku ooki na limangku susumo anu monsombamo salaku bau pongadati ia.

AYUB 9:15

Maumo ahi' aku madi' kosala'nyo, aku madi' moko ala mombau apa-apaa, ola ahi' mongkakaase da okalibosi nu Tumpu Allah anu momputusi aku?

MAZMUR 50:6

Langit nompoitamo da Tumpu na momputusi palakala nu mian anu palesayamo hi Ia ka' da Iamo ahi' na timbali mian kopiannyo.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

PO'ULE' INGULIT 17:9

Lako'mo kalak na palakala nu belemiu aijo' hi to ima-imam Lewi ka' hi mian kopian anu montoongi kalaja, lantas bee' da ahaje na momputusi ia.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

YOSUA 24:23

“Desumo aijo' yo alinmo na to pilo-pilogot nu to bansa-bansa sangga'at anu daagi' itina' hi belemiu na,” koonyo i Yosua, “ka' balajanji'mo saba' belemiu mohongo-hongomo Tumpu, Tumpu Allah nu Israel.”

YOSUA 24:27

Lapas aijo' notataemo na i Yosua hi aha mian iwi-iwi' anu ikiijo', “Batu aiya na timbali sakisinto. Iwi-iwi' na potatae anu tinaloakonmo nu Tumpu hi kita, tinaloakonmo i ahop nu batu aiya. Jadi, batumo aiya na timbali sakisi hi belemiu da mompo'ingat belemiu da boli panggaga hi Tumpu hi Tumpu Allah nu belemiu.”

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.

TO MIA-MIAN KOPIAN 11:27

Madi', kami madi' ko sala'nyo hi belemiu. Belemiu na anu ko sala'nyo kalan nontumbuhimo mae kami. Tumpu na anu momputusi palakala aiya sinaa uuka hi bansa Israel tiba bansa Amon.”