AYUB 31:19 - KITAB NU TUMPU ALLA LELE MA'IMAI'

¹⁹ De ku toa na mian anu susa', anu kasiasi hondo madi'mo moko oli pihude,

AYUB 31:19 ပူးပေါင်းရင်းမြစ်များ

2 TAWARIKH 28:15

Lantas aha opat na to mia-mian pande haha aijo' nongulusmo anu i hakopmo mae aijo'. Pinaha bagi-bagianmo nu aha baju' anu pinahuhuakon mae nu aha aijo' hi to mia-mian anu i hakop mae aijo', iya na anu palalu mohumpak bagi. Ka' mule' aha pinaha bagi-bagian sapatu, anu o kaan, ka' anu o inum. To mia-mian anu binelaonmo pinakuli'an nu lanya' zaitun. Anu madi'mo moko ala lumajang pinosake' i keledai lantas iwi-iwi' na mian anu i hakop aijo' binoamo i Yerikho, kota anu manjoo' hondo na kau' kurma, da moko ala minsusule' i kampung nu aha Yehuda. Lapas aijo' mian nu Israel ninsusule'mo i Samaria.

AYUB 22:6

De utus nu beleyum madi'mo moko ala mombayan samaya'nyo, nu agoimo nu beleyum na baju'nyo iwi-iwi'.

AYUB 24:4

Madi' opobee' nu aha na mian anu kasiasi mohumpak anu memang ia ahi' na tumpunyo, sahingga paya' naninsulukmo na miana nu kasiasi hondo.

AYUB 29:13

Aku nupuji' nu mian anu talalo hondo susa', ku tulungi na mian anu binalumo sahingga aha madi'mo susa'.

AYUB 31:18

Daagi' pe'e ise-ise' aha pinotuu'kumo; sampe toka iya na umunku sabole-bole ku palakai na aha.

AYUB 31:20

ku pomamut na ia nu hude laken, posi bulu nu dombangku na tinonun binau laken, sahingga ia nompuji'mo aku, lengkat i uno nu kinyonyoanyo totu-totu'u.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 25:36

Aku madi' ko baju', komiu nombee'i Aku baju'. Aku masakit, komiu nompakuli' Aku. Aku tinalungku', komiu nontulungi Aku.’

MATIUS 25:43

Aku samian, mian nu salipu'an, komiu madi' montalima Aku i i uno nu laigan miu. Aku madi' mibaju', komiu madi' mombee'i Aku baju'. Aku masakit ka' tinalung-Ku', komiu madi' mombee'i Aku pakuli'.’

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

SISIKON NU TO RASUL-RASUL 9:39

Lau-laus i Petrus tinuminjo ka' nombatuki aha. Potokanyo kiijo' mae, ia binoa i kaman anu i bawonyo. Iwi-iwi' balu anu i kiijo' nontikubi i Petrus galo-galo' humaang ka' nompotoa hi ia to baju-baju'nyo ka' juba-juba' anu kina'utakon i Dorkas hi aha tempo'nyo ia daagi' tumuu'.

YAKOBUS 2:16

Apaa na gunanyo komiu motatae hi ia, “Higahi na mompusok baju' anu mamut ka' higahi na mongkaan!” – de komiu madi' mombee'i ia kapalaluan bau pontumuu'nyo?

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.