AYUB 31:17 - KITAB NU TUMPU ALLA LELE MA'IMAI'

¹⁷ Ma'isa toho' aku ola lewa' nompojohok anak anu madi'mo ko tuumanyo ka' tinanyo da mo'ohop, padahan aku aiya manjoo' na anu o kaan.

AYUB 31:17 ပူးပေါင်းရင်းမြစ်များ

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

ESTER 2:7

Ia daagi' ko tominsan, samian na langkoyang anu handa hondo ka' matimpo hondo na butongnyo, sanggonyo i Ester, panyo ponsangohi nu aha Ibrani i Hadasa. Tuuma ka' tinanyo i lantengmo lantas ia i hangkatmo binau anak i Mordekhai ka' pinotuu'nyomo susumo anaknyomo ahi'.

AYUB 22:7

Mian anu kainmo na mokalaja madi'mo nu po'inumi nu beleyum uee, anu mo'ohopmo madi' nu bee'i nu beleyum mongkaan.

AYUB 31:18

Daagi' pe'e ise-ise' aha pinotuu'kumo; sampe toka iya na umunku sabole-bole ku palakai na aha.

AYUB 31:21

De bisuannyo aku toho'mo nonsansalai anak anu madi'mo ko tuumanyo ka' tinanyo, kalana da aku untung i palakalangku,

YEHEZKIEL 18:16

kabai sola' mompakisa mian, kabai sola' mombulingi mian maumo pa' ihe. Balang-balang anu bau ponggadei nu mian anu ko samaya' hi ia saja' ahi' nu sule'akon. Mian anu mo'ohopmo nu bee'i mongkaan ka' mian anu madi'mo ko baju'nu bee'i baju'.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

PO'ULE' INGULIT 15:11

Hi aha mian nu Israel saja' ko mian to pia-piangkuka anu kasiasi ka' kasusa'an. Kalana aijo' Ku palentahkon hi belemiu da manonong hi aha.”

PO'ULE' INGULIT 15:14

Obee'i na ia apaa na anu binee'mo nu Tumpu Allah nu belemiu hi belemiu, ka' sanang ahi' na kinyonyoa mombee'i mee' ka' domba, gandum ka' anggur.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

1 YOHANES 3:17

De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?