AYUB 31:15 - KITAB NU TUMPU ALLA LELE MA'IMAI'

¹⁵ Te misa' Tumpu Allah ahi' na nompotimbalimo aku, ka' suele nompotimbalimo to posa-posaihonku?

AYUB 31:15 ပူးပေါင်းရင်းမြစ်များ

NEHEMIA 5:5

Te misa' kami ahi' suele mian nu Yahudi? Te misa' anak mami pokakana ahi' tiba to ana-anak nu Yahudi sangga'at? Maumo sumo aijo' paya' bemanau' kami nompobee'mo ahi' to ana-anak mami binabotuanmo. Ka' mule' daagi'mo ko to ana-anak mami anu toto lalangkoyang pinobalukmo binau botuan. Kami madi'mo moko ala mombau apa-apaa kalana ale' nu sosu'anon mami sangga'at ka' ale' nu anggur pinogademo mami.”

AYUB 10:3

Apaa na ka'untunganyo de belento monsansalamo mae sumo aiya, ka' mongalinmo anu binaumo nu belento? Apaa na ka'untungannyo de belento montinjohi pikilan ka' tanga'an nu to mia-mian anu ma'idek na kinyonyoanyo?

AYUB 31:14

De madi', mosia na aku mongahopi Tumpu Allah-ngku? Apaa na bau pontaamingku de Ia tokamo mae momputusi pa lakalangku?

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

AYUB 4:17

“Ugaat manusia madi' ko kasala'annyo hi Tumpu Allah? Ugaat ia madi' ko anu opisala'i i mata nu anu nombau ia?

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 22:2

Mian kaya ka' mian anu kasiasi daagi ko sa'angu' na han anu pokakana: Tumpu na anu nompotimbali aha iwi-iwi'.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?